İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) 54 yaşındaki yerli sakinni tutıp, oña qarşı «devlet hainligi» ve «patlayıcı maddeler ya da patlatıcı aletlerniñ qanunsız qullanuvı» boyunca cinaiy dava açtılar. Tahqiqatnıñ malümatına köre, adam Ukrayina havfsızlıq hızmetinen işbirlik tutqan edi.
FSBniñ cemaatnen alâqalar merkezi bunı bildirdi, dep haber etti «Novosti Krım» Rusiye teşviqat haber agentligi arman ayınıñ 17-nde.
«Kuratornıñ emrine köre, cinayetçi Rusiye Mudafaa nazirliginiñ bölgedeki obyektleri aqqında malümat toplap, onı duşmanğa yollay edi. Bundan ğayrı, agentke patlayıcı aletlerniñ qısımları olğan gizli yerlerge dair vazifeler berildi», — dep qayd etildi haberde.
Rusiye nazirligi bildirdi ki, Sevastopoldaki (Aqyardaki) ormanda bulunğan gizli yerlerden birinde 477 g geosogenli patlayıcı madde ve arbiy maqsatlı elektrik patlatıcı paıldı.
Şu anda adam apiste buluna. O, ölümge qadar mahküm etile bilir, dep qayd etti FSB.
Hatırlatamız ki, soñ afta içinde işğal etilgen Qırımda «terorizmni açıq şekilde aqlağanı» ve «devlet hainligi» sebebinden yerli sakinlerge qarşı yañı cinaiy davalar açıldı, arbiy-duşmannen işdeşlik yapqan adamnı patlatqanında qabaatlanğan qadın apiske alındı, em de qırımtatarlarnıñ evleri tintildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız