İşğal etilgen Qırımda Rusiye FSB Bağçasaray rayonınıñ 55 yaşındaki sakini tutqanını bildirdi, onı Ukrayina mahsus hızmetlerine arbiy obyektler aqqında malümat berüvde ve demiryolda diversiya azırlağanında qabaatlaylar.
RİA «Novosti Krıma», RF FSBniñ Vatandaş alâqaları merkezine atıf etip, bunı bildirdi.
Rusiye mahsus hızmetiniñ malümatına köre, Bağçasaray rayonınıñ sakini «Ukrayina tarafına işğal etilgen Qırımda Rusiye arbiy qısımları, tehnika ve ava mudafaası vastalarınıñ yerleşüvi aqqında malümat berdi».
FSBniñ malümatına köre, adamğa «Rusiye arbiy hızmetçisiniñ maşinasını nezaret etmek ve demiryol astyapısı obyektlerinde diversiya azırlamaq vazifesi berildi».
«Bundan da ğayrı, tutulğanğa demiryolda diversiya azırlamağa ve Rusiye arbiy hızmetçisiniñ maşinasını nezaret etmege emir etildi, amma bu planlarnı yerine ketirmege yetiştirmedi», — dep qayd etildi haberde.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız