Arman ayınıñ 7-ne keçer gecesi işğal etilgen Qırımda, şu cümleden, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Keriç şeerlerinde, Aluşta civarında patlavlar oldı. Bundan ğayrı, nezaret kanalları Gelencik ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde yanğınlar aqqında haber ettiler. Rusiye Mudafaa nazirligi Qırım ve Qara deñiz üzerinde gece devamında 203 dron uruğanını bildirdi.
RİA «Novosti Krım», Rusiye mudafaa nazirligine atfı etip, bunı bildirdi.
İşğalli Sevastopol (Aqyar) gubernatorı Mihail Ravoznıyev saat 0:53 — 02:39 arasında şeerde ava telükesi aqqında bildirdi.
Saat 00:55-te «Qırım yeli» nezaret kanalı, Fiolent burnu rayonında patlavlar aqqında haber etti.
Saat 02:48-de Aluşta civarında patlavlar aqqında haber peyda oldı.
«Aluşta civarındaki Maloriçenskede soñki eki saat içinde dört patlav eşitildi, dep bildirdi abuneci», — dep qayd etildi «Qırım yeli» resursınıñ haberinde.
Saat 03:32-de — Ğvardiyske yanında patlavlar.
Bundan soñ kanal, Ğvardiyske ava limanına ücüm aqqında yazdı.
«Ğvardiyske» ava limanına ücümler qayd etildi, yaqarlıq-yağ malzemeleri anbarı yandı, atış silâsınıñ patlağanı eşitildi, dep bildirdiler abuneciler. Olarnıñ aytqanlarına köre, ücümler saat 03:30-tan 03:39-ğa qadar ve saat 04:34-ten 04:47-ge qadar oldı. Yanğın pek küçlü, onı bir qaç kilometrden körmek mümkün. Umumen olaraq, eki yanğın merkezi bar. Bu ava limanından işğalciler «Şahed» türlü dronnı uçuralar», — dep aytıla haberde.
Bundan ğayrı, resurs, Gelencik rayonında ve Fedosiyadaki (Kefe) neft bazalarında yanğınlar aqqında haber etti.
Saat 09:00-da ne işğalli Qırım akimiyeti, ne de Ukrayina akimiyetiniñ vekilleri vaziyetni izaatladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız