Arman ayınıñ 4-nde Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) FSBFederal Havfsızlıq hızmeti, «Ukrayina arbiy istihbaratınıñ emirinen kritik astyapı binalarından birinde terakt azırlağan» ve işğal etilgen Ukrayina qısmınıñ «reberleri»nden birine Qırımğa ziyareti vaqtında «ücüm» etmege azırlanğan, 1992 ve 1999 seneleri doğğan eki kişiniñ tutulğanı aqqında bildirdi.
TASS Rusiye devlet agentligi bu aqqında yazdı.
«FSB»niñ malümatına köre, olarnı «Ukrayina Mudafaa nazirliginiñ Baş istihbarat idaresiniñ temsilcileri Telegram vastasınen celp ettiler». Tintüv vaqtında işğalciler 350 gramm plastik patlayıcı taşığan üç FPV-dronnı ve 800 gramm patlayıcı taşığan YPC (öz başına yapılğan patlayıcı cihaz) tutıp aldılar.
«İşğalli quvetçilerniñ aytqanlarına köre, öz başına yapılğan patlayıcı cihaznen öztüni tutmağa ögretken soñ, mütehassıs olarğa yarımadada bulunğan vaqıt bölgeniñ kritik astyapı obyektlerinde ve yañı bölgelerden biriniñ yolbaşçısına qarşı terroristik areketlerni yapmağa emir etti», — dep ayttılar işğalli quvetçiler.
Olarnıñ malümatına köre, yaqalanğanlar «Rusiye Federatsiyası toprağında yasaq etilgen ukrayin terror teşkilâtı»na qoşulmağa planlaştıra ediler. Teşkilâtnıñ adı ne olğanını aytmaylar. Bundan da ğayrı, videoda tutulğanlar ve «quvetçiler»niñ üst urbasını kiygeni körüne, soqaqtaki ağaçlarda ise yapraq yoq, bu sebepten erkekler bu sene yazda tutulmağan edi.
RF CQniñ 30-nci maddesiniñ 1-nci qısmıterroristik areketke azırlanuv, 205 maddesiniñ 2-nci qısmıterroristik areketke azırlanuv, 205.3 maddesiterror faaliyetini kerçekleştirmek maqsadınen ögrenüv, 205.4 maddesiniñ 2-nci qısmıterroristik toplulıqta iştirak etüv, 222.1 maddesiniñ 3-nci qısmıpatlayıcı maddelerniñ ya da patlayıcı cihazlarnıñ qanunsız ticareti ve 275-nci maddesidevlet hainligine binaen FSBniñ Qırım ve Sevastopol (Aqyar) şeerindeki idaresiniñ işğalli taqiqat bölügi cinaiy dava açtı.
İşğalli mahkeme olarnı 2 ayğa apiske aldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız