Oraq ayınıñ 30-nda Qırımnıñ bir qısmında «Krımenergo» işğalli şirketiniñ obyektleri ve magistral elektrik ağı bozulğanı sebebinden elektrik yoq. Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde saba tramvaylar elektriksiz qaldı, amma soñra areketni ğayrıdan tiklediler.
«Krimenergo» bu aqqında haber etti.
«Şimdilik yarımadanıñ bazı meskün yerlerini elektrik teminatınen temin etmek mümkün degil, çünki müessise obyektleri ve magistral elektrik ağı zarar kördi. Qırım Cumhuriyetiniñ bütün toprağında elektrik teminatı sıñırlamaları bar», — dep qayd etildi haberde.
Aynı vaqıtta işğalli Yevpatoriya (Kezlev) memuriyetiniñ saba bildirgenine köre, tramvaylar elektriksiz qalğanından sebep marşrutqa çıqmadı, dep bildirdi RİA «Novosti Kırım» Rusiye teşviqat agentligi. Aman-aman eki saat içinde tramvay areketi ğayrıdan tiklendi.
Hatırlatamız ki, oraq ayınıñ 28-29 künleri işğal etilgen Qırımda Ukrayina Silâlı quvetleriniñ İnsansız sistemalar quvetleri altı elektrik ast stantsiyasına ücüm etti, dep bildirdi İSQniñ komandanı Robert «Madâr» Brovdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız