Oraq ayınıñ 29-nda bütün işğal etilgen Qırımda elektrik teminatı sıñırlamaları bar. Bundan ğayrı, Qurman rayonında gaz teminatı ve bir qaç rayonda suv teminatı toqtatıldı.
«Krımenergo» işğalli müessisesiniñ bildirgenine köre, elektrik, suv ve gaz operativ şekilde ve energetik rayonlardaki vaziyetke köre kesile.
O añlattı ki, kerginlik seviyesini arttırmaq, ağnıñ aşırı yüklenmemesi ve tamir işlerini kerçirmek içün bunı yapalar.
«Krımgazseti» işğalli şirketi, «tamir-yañıdan quruv işlerini keçirgeni içün» Qurman rayonında gaz teminatı toqtatılğanını bildirdi.
«Gaz teminatı ne zaman keri qaytacağı birazdan bildirilecek», — dep yazdı o.
Aynı zamanda «Voda Krıma» işğalli müessisesi yazdı ki, oraq ayınıñ 30-nda saat 15:00ke qadar Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde «ağlarda qaza-temir işleri sebebinden» suv teminatını sıñırladı.
Bundan ğayrı, ağlardaki qazalar sebebinden Keriç şeerinde, Yedi Quyu qasabasında, Saq, Eski Qırım şeerlerinde ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında muvaqqat suv olmaycaq.
Bundan evel İnsansız sistemalar quvetleriniñ komandanı Robert Brovdi bildirdi ki, işğal etilgen Qırımnıñ azat etilmesi endi keçirile. Onıñ aytqanına köre, esas vazife — yarımadada Rusiye taqımınıñ resurslarnı temin etmek imkânından marum etmektir.
Böyle bir strategiya Qırımnıñ işğalden azat etilmesini ne qadar yaqınlaştıra bilecegi, yarımadanı büyük bir topraq ameliyatı olmadan azat etmek mümkün olğanı ve Rusiye logistika içün müim olğan obyektler qaysı ola bilgeni aqqında — Suspilne Qırım jurnalistleri arbiy mütehassıs Vladıslav Seleznöv ve İvan Stupak ile laf ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız