İşğalli quvetçiler, Yaltada eki qanınnı "tutqanları" aqqında haber berdiler — Mıkolayiv vilâyetinden 59 yaşındaki ve 34 yaşındaki Qırımlı qadın. "Mahkeme" olarnı 2 ayğa qanunsız şekilde apiske alıd. Ruslar ekisini "devlet hainligi"nde qabaatlaylar.
Oraq ayınıñ 22-nde TASS rusiye devlet agentligi bu aqqında haber berdi.
İşğalli taqiqatnıñ malümatına köre, oraq ayınıñ 18-nde işğal etilgen Qırımda "ukrayin mahsus hızmetleri içün çalışqan" 2 qadın "tutuldı". Olardan biri, işğalcilerniñ bildirgenlerine köre, "2024 senesi Sevastopolda arbiy hızmetçiniñ maşnasınıñ patlatılğanında" iştirak etken edi, ekincisi ise "YEKyaqarlıq-energetik kompleksi astyapısı ve arbiy obyektler aqqında malünat toplağan edi".
"1967 senensi doğğan qadın Ukrayina Havfsızlıq hızmetiniñ (UHH) hadimlerinen öz başına messencer vastasınen bağlandı, kuratornıñ vazifelerine köre, yarımada toprağında sığınaq donattı ve anda elnen yapılğan patlatıcı cihaznıñ elementlerini gizledi ve duşmanğa sığınaq koordinatlarını berdi. Birazdan, 2024 senesi Sevastopol (Aqyar — terciman) şeerinde Rusiye Federatsiyası Qara deñiz flotunıñ arbiy hızmetçisiniñ maşnasını patlatmaq içün UHH sığınaqnı qullandı. Tutulğan ekinci qadın — Qırımnıñ Feodosiya (Kirov) rayonınıñ 34 yaşındaki sakini. FSBniñ malümatına köre, o, ukrayin banklarından birinde öz esabından USQe raidostantsiya, donatmalar, urba ve başqa şeylerni alması içün para yolladı", — dep qayd etildi haberde.
Hatırlatamız ki, işğal etilgen Qırımda Luğansktan Aluştağa raatlanmağa kelgen qadınnı 13 senege qanunsız şekilde mahküm ettiler.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız