İşğal etilgen Qırımda Canköy ve Canköy rayonı alâ daa elektriksiz qala.
Qırımtatar Milliy Meclisiniñ reisi Refat Çubarov bu aqqında bildirdi.
Onıñ aytqanına köre, çoqusı yerli sakinler içün suv teminlevi qapatıldı.
"Çoqusı köy sakinleri içün içilecek suv, yaqıt fiyatı sebebinden, aman-aman imkânsız oldı. Bundan ğayrı, yaqıt qıtlığı da bar", — Çubarov dey.
Meclis reisiniñ yazğanına köre, buña oşağan vaziyet işğal etilgen Qırımnıñ diger yayla rayonlarında da qayd etile.
"Rusiye işğalinden sebep yarımadanıñ azat etilmesini beklegen ve yañı sınavlardan keçmege mecbur olğan Qırım sakinlerine samimiy duyğularımıznı bildiremiz. Bütün qıyınlıqlarğa ve repressiyalarğa baqmadan ümütlerini coymayıp, Ukrayinağa sadıq qalğanları içün olarğa minnetdarmız", — dep haberde aytıla.
"Qırım Suv" işğalci müessisesi bildirdi ki, elektrik teminlevi vaqtınca sıñırlanğanı sebebinden, 2026 senesi oraq ayınıñ 12-nden itibaren şeerge suv berilmesi cedvelge köre yapılacaq: saat 06:00-dan 09:00 ve 18:00-den 21:00 qadar.
Bundan ğayrı, işğalci "Qırımenergo"nıñ malümatına köre, oraq ayınıñ 12-nde saba elektriksiz qalğanlar:
- Canköy ve Canköy rayonı;
- Yañı Qapu;
- Armânsk;
- Bilogır rayonı;
- Yevpatoriya rayonı.
Bundan ğayrı, bir sıra meskün yerlerde elektrik teminleviniñ qoşma sıñırlavları kirsetildi.
Hatırlatamız, Yalta ve Sevastopol şeerleri Ukrayina ücümlerinden soñ elektrik energiyasını iqtisat etüv rejimine keçti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız