Oraq ayınıñ 7-nde işğal etilgen Qırımnıñ 9 şeeriniñ sakinleri suvsuz qalacaq. Bular Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) bir qısmı, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Saq, Ermeni Bazar, Yañı Qapu (Krasnoperekopsk), Keriç, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Canköy ve Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad). Üç rayonnıñ sakinleri de suvsuz qalacaq.
Oraq ayınıñ 7-nde saba Telegramda "Voda Krıma" işğalli müessisesi yarımada ealisini bu aqqında haber etti.
İşğalcilerniñ resmiy versiyası — tamir işleri.
Bu sebepten suvsuz tek büyük şeerlerniñ sakinleri degil de, qomşu köylerniñ ve üç rayon — Biloğirsk (Qarasuvbazar), Qurman ve Canköy rayonlarınıñ sakinleri qalacaq.
Bundan evel Saq şeeriniñ işğalli "akimiyet başı" Yuliya Predibaylo, elektrik teminatı yoq olğanı içün şeerde suv olmağanını bildirdi.
Kâinat yoldaşından resimler "Saq" elektrik stantsiyası ve demiryol stantsiyasında yanğınlarnı qayd etti.
Hatırlatamız ki, oraq ayınıñ 1-den başlap Qırımnıñ cenübiy köylerinde suv berüv cedveli çalışmaqta. Yevpatoriyağa (Kezlevge) suv borularnen ketirile, dep haber etti RİA "Novosti Krım". Agentlikniñ malümatına köre, oraq ayınıñ 7-nde Feodosiya (Kefe) soqaqlarınıñ 500-den ziyadesi suvsuz qalacaq.
Oraq ayınıñ 1-den Yalta rayonınıñ Verhnâ Kutuzivka köyünde suv tek saat 06:00-dan 22:00-ge qadar berile. Bundan evel Luçıste köyünde de böyle sıñırlavlar kirsetilgen edi, anda bazı soqaqlarda suv tek aqşam dört saatke berile, dep haber etti FortPost. Sıñırlavlarnıñ sebeplerinden biri — elektrik teminatınen bağlı meseleler ve yapma göllerinde suv azlığıdır.
Bundan evel Qırımtatar Milliy Meclisiniñ Reisi Refat Çubarov yarımadanıñ vatandaşlarını tatlı suv, ilâc ve aşayt mahsulatını alıp yedek yapmağa çağırdı.
"Rusiye işğali altında bulunğan Qırımda adiy insanlar tatlı suv, aşayt malları, ilâclar ve çıqarlarnı eñ az 2-3 ayğa yedeklemege kerekler. Elektrik bankaları, fenerler, batareya yedekleri ve diger avtonom energiya menbalarını evelden azırlamaq tevsiye etile", — dep yazdı o, Telegramda.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız