Ukrayina Silâlı quvetleriniñ Baş ştabı bildirdi ki, ilk yaz ayınıñ 28-ne keçer gecesi işğal etilgen Qırımda mudafaa quvetleri, işğalciler tarafından ordularnı avuştırmaq ve olarnı temin etmek içün qullanılğan İçki rayonındaki demiryol köprüne ücüm etti.
İlk yaz ayınıñ 28-nde Baş ştab Facebookta bunı bildirdi.
"İçki rayonındaki (Qırım MC VİET) demiryol köprü zararlandı, onı işğalciler ordularını avuştırmaq ve olarnı temin etmek içün qullanalar. Ücüm neticeleri aydınlatıla", — dep qayd etildi haberde.
İçki (Sovet) — işğal etilgen Qırımnıñ Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında bir meskün yer. Ondan "Keriç-Canköy" demiryol hattı keçe
İlk yaz ayınıñ 28-ne keçer gecesi işğal etilgen Qırımnıñ diger rayonlarında da patlavlar yüz berdi. RF Mudafaa nazirligi yarımada, vaqtınca işğal etilgen diger topraqlar ve Rusiyeniñ bölgleri üzerinde 213 uçucısız uçaq aletini urğanını bildirdi. Nezaret kanalları Saq SES, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerine dron ücümi aqqında haber etti.
Hatırlatamız ki, bu afta, ilk yaz ayınıñ 22-ne keçer gecesi, Mudafaa quvetleri işğal etilgen Rozdolne mesküm yerindeki Şimaliy-Qırım kanalından keçken demiryol köprüni yoq ettiler — demiryol ağı uruldı ve yollarnıñ biri yıqıldı. Mahsus tamir tehnikası kelgen soñ, ameliyatnıñ ekinci basamağı başlandı. İlk yaz ayınıñ 23-ne keçer gecesi MOQniñ dronları em tamir tehnikasını, em de köpürniñ qalımtılarını urdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız