Qırımdaki Rusiye ordusı, işğal etilgen Herson vilâyetinde olğanı kibi, vatandaşlarnı "canlı qalqan" olaraq qullana. İşğalciler Qırım köprüne ava mudafaası sistemalarınıñ aman-aman episini alıp kettiler.
İlk yaz ayınıñ 27-nde Suspilne canlı yayınında Ukrayina prezidentiniñ Qırım Muhtar Cumhuriyetindeki daimiy temsilcisiniñ muavini Denıs Çıstikov bunı bildirdi.
"Yaqın bir-eki ay devamında vaziyet Rusiye arbiy hızmetçileri ve logistikasını içün daa yahşı ve tınç olmaz. Ruslar ise vatandaşlarnı "canlı qalqan" olaraq qullanalar", — dep ayttı Çıstikov.
Çıstikov yerli sakinlerge elektriksizlik ve bağsız uzun vaqıtlarğa azırlanmağa, qorantalarında hronik hastalıqları olğan insanlar içün aşayt malları ve ilâclarnı almağa tevsiye etti. Onıñ aytqanına köre, Qırımda soñki ay devamında ava telükesi aman-aman bütün gece ve daa 3-4 kere kündüz devam ete.
"Biz ücümlerniñ evelkinden daa büyük neticelerge irişkenini köremiz. Şimdilik AMSava mudafaası sisteması sayısı bayağı eksildi, hususan yarımadanıñ ğarbiy ve şimaliy qısmında, yerli sakinlerniñ qayd etkenine köre, o, aman-aman çalışmay, mobil ateş gruppaları çalışa. Qalğanını ise, olar Qırım köprüne yaqınlaştıralar, çünki bu, olar içün muqaddes bir şey ve Rusiye ordusı içün esas logistika yolu ola. Ve böyle ücümler, qayd etilgenine köre, işğalcilerniñ ve olarnıñ muqaddes Qırım köprüni qorçalamaq imkânlarını zayıflata. Soñki bir qaç afta içinde logistika bayağı fenalaştı. Bu, Rusiye arbiy hızmetçileri arasında telâşlı duyğularnı doğura", — dep añlattı o.
Qırım sakinleri arasında telâş ve yarımadanı kütleviy sürette terk etüv qayd etilmedi.
"Uzaqtan çalışqan ruslar Qırımnı terk ettiler. İşğalciler avtobus ve trenlerniñ sayısını eksiltse de, insanlarnıñ çıqmaq imkânı bar. Turistler daa az kele. Yerli ealiniñ kütleviy sürette ketmesi duyulmay. Sevastopol, Yalta ve ğarbiy Qırım elektriksiz, amma benzinden ğayrı başqa meseleler yoq", — dep ayttı memur.
O, işğal etilgen Qırım sakinleri ve Krasnodar ülkesindeki ruslar arasında kergin vaziyetni qayd ete. Yarımadağa 200 litr yaqarlıqnı bir şahsiy maşnada ketirmege izin berilgen soñ, Qırım sakinleri Rusiyeniñ cenübiy qısmında yerleşken Rusiye nebzin stantsiyalarına satın aluvğa ketti. Çıstikovnıñ aytqanına köre, bunıñ neticesinde çatışmalar olıp çıqa.
"İşğal etilgen Qırım ve Krasnodar ülkesiniñ sakinleri arasında çatışma peyda ola, çünki işğalciler Qırım köpründen 200 litr benzin keçirmege izin berdiler, Rusiye Federatsiyasınıñ toprağında büyük nevbetler peyda olmağa başladı. TemrükteKubandaki bir şeer, Rusiye Federatsiyasınıñ Krasnodar ülkesiniñ Temrük rayonınıñ merkezi yaqarlıq yoq, çünki Qırım sakinleri onı satın aldılar. Krasnodar ve Rostovğa qadar yol boyunca yaqarlıq azlaşa ve nevbetler arta. Bu büyük raatsızlıq doğura ve ruslar Qırımdan kelgen maşna nomeralarını körgende, olarnı öz stantsiyalarına yibermemege tırışalar", — dep añlattı o.
Çıstikovnıñ aytqanına köre, Qırımda ve Sevastopolda (Aqyarda) fevqulâde vaziyetniñ kirsetilmesi işğalcilerniñ içtimaiy kerginlikni eksiltmek — tamir brigadalarına ava telükesi vaqtında zarar körgen obyektlerni ğayrıdan tiklemege imkân bermek, bücetten para ayırmaq ve ilk küz ayında Rusiye Devlet Dumasına saylavlarnı keçirmek isteginen bağlı.
"Bu, işğalcilerniñ para qullanuvı içün elini aça. Vaziyet olar içün qıyın ve olar bu vaziyetni para ayırılmasını tezleştirmek, içtimaiy basqını yoq etmek, zarar körgen obyektlerni tamir etmek içün para ayırmaq içün kirsettiler. Bundan da ğayrı, tamircilerge ava telükesi vaqtında da çalışmağa imkân bere. İlk küz ayında Devlet Dumasına saylavlar keçirilecek. Şunıñ içün olar bu vaziyetni tez çezmek kerekler, çünki işğalli akimiyetniñ reytingleri bayağı tüşti ve mütehassıslarnıñ tahminlerine köre, işğal etilgen topraqlarda evel köstergen köstergiçlerni öyle de qolay köstermek mümkün degil", — dep añlattı Çıstıkov.
