İşğalciler Qara deñizde uçaq faaliyetini quvetleştirdiler. Cenk uçaqları, istihbarat, patrul uçaqları ve insansız uçaqlar qullanıla.
Suspiln Studiya canlı yayınında USQNiñ Arbiy-deñiz quvetleriniñ matbuat kâtibi Dmıtro Pletençuk bu aqqında tarif etti.
"Bu tendentsiyanı olarnıñ logistika imkânları ceetinden körmek mümkün. Şimdi Rusiye aviatsiyasınıñ yüksek seviyede faalligi qayd etile — bu em uçucısız uçaqa aletleri, em de doğrudan-doğru qırıcı, keşif ve patrul uçaqları. Uçaqlarğa qarşı küreş vazifesi de aviatsiyağa berildi", — dep bildirdi o.
Aynı zamanda, Pletençuknıñ aytqanına köre, ruslar Qara ve Azaq deñizlerinde çoq vaqıt devamında gemilerini çıqarmaylar.
"Qara ve Azaq deñizlerinde duşman ne gemilerni, ne de suvastı qayıqlarnı tuta", — dep ayttı Pletçençuk.
Onıñ aytqanına köre, işğalciler gemilerini deñiştirmege devam eteler, yañı yerler qıdıralar. Qırımda zarar körgen gemilerni keri qaytarmağa tırışuvlar qayd etildi.
Hatırlatamız ki, Ukrayina havfsızlıq hızmeti işğal etilgen Qırımda muvafaqiyetli mahsus operatsiya aqqında tarif etti, onıñ devamında RF ava mudafaası sistemaları ve "Saq" ve "Ğvardiyske" arbiy ava limanlarınıñ astyapıları zarar kördi.
İlk malümatqa köre, aviatsiya tehnikası içün angarlar ve "S-400" ve "Pantsir-S1" Rusiye zenit kompleksleri zarar kördi. İlk yaz ayınıñ 24-nde Ukrayina havfsızlıq hızmeti öz saytında bunı bildirdi, amma ücümler ne vaqıt yapılğanını aytmadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız