İlk yaz ayınıñ 24-nde saba işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri bütünley elektriksiz qaldı. Şeerde Çornoriçenska soqağı qısmen qapatıldı, trolleybuslar yolğa çıqmadı, ve işğalli akimiyet balalarnı evde qalmağa rica etti. Saat 07:47-de ava telükesi lâğu etildi. Soñra Ukrayina silâlı quvetleriniñ İnsansız sistemalar quvetleriniñ komandanı Balıqlava SESna ukrayin dronlarınıñ ücüm etkenini tasdıqladı.
Robert Brovdi ("Madâr") Facebookta bu aqqında yazdı.
"İlk yaz ayınıñ 24-nde gece Balıqlava SESnıñ (PS 330/220/110/35kV "Sevastopol") energiyasını dağıtacaq Sevastopolnıñ (Aqyarnıñ — terciman) esas elektrik stantsiyası elektriksiz qaldı. İnsansız sistemalar quvetleriniñ Ptahı 1 bölügi yañı yaratılğan İSQniñ teren zarar etici merkeziniñ koordinatsiyasına köre çalıştı. Ve tamam, doğru raqam 7. İşte anda — yedi", — dep yazdı o.
İşğalli Sevastopol (Aqyar) "gubernatorı" Mihail Razvojayev bunı bildirdi.
İşğalcilerniñ bildirgenlerine köre, Sevastopolda (Aqyarda) ava telükesi eki kere ilân etildi — saat 02:16-da ve 06:59-da, Ğalebe Parkı ve Şimaliy tarafında ruslar 3 dronnı, soñra Hersones burnu, Balıqlava rayonı ve Şimaliy tarafında daa 11 dronnı urıp tüşürdiler.
"Duşmanlarnıñ bizim energetik astyapımızğa ücümi neticesinde şeerniñ elektrik teminatı vaqtınca söndürildi. Obyektlerde mahsus rejim ilân etildi. Mümkün olsa, balalarnı evde qaldırıñız", — dep yazdı Razvojayev.
Bundan ğayrı, şeerde trolleybuslarnıñ areketi bütünley toqtatıldı. Olarnı qısmen avtobuslar keçirecek. İşğalciler Çernoriçenska soqağındaki areketni qısmen qapattılar.
"Ağda kerginlik olmağanı içün trolleybuslar saba yolaqqa çıqmaycaq", — dep bildirdi Razvojayev.
Bundan da ğayrı, o, şeer sakinlerine cep telefonlarınıñ energiyasını iqtisat etmege ve elektrik yañartılacaq vaqıt ağlarnı yüklememege tevsiye etti. Tamir etüv müddeti aqqında haber yoq edi.
Ukrayina mudafaa naziriniñ cebede UUAni qullanuvnıñ arttırılması meselesinde mesleatçısı Serğiy Sternenko bildirdi ki, bu gece işğal etilgen Sevastopolda (Aqyarda) 330/220/110/35 kV "Sevastopol" substantsiyaları ve işğal etilgen Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) SETSıcaqlıq elektrik tsentralı zarar kördi.
UPD 2 // Saat 09:28de itibarınen işğalciler İnkerman, Şimaliy taraf, Qaçı, Orlivka, Andriyivka, Orlıne ve cenübiy yalı rayonlarında elektrik teminatı ğayrıdan tiklediler. Yaqın vaqıtta daa üç soqaqqa elektrik bermege vade eteler. Gagarin ve Lenin rayonlarında eñ ağır vaziyet, eñ azından aqşamğa qadar elektriksiz qalacaq, dep aytıla.
UPD // Razvojayevniñ aytqanına köre, gece ve saba Rusiye arbiy hızmetçileri 70 dronnı "tüşürdi". Onıñ aytqanına köre, eki adam yaralandı, şeerde evler zarar kördi.
"Sevastopol qurtaruv hızmeti bu saatke qadar bir qaç çoq qatlı binada zarar körgenini qayd etti: insanlar pencerelerniñ qırılğanı ve balkonlarnıñ zarar körgenini bildirdi. Gagarin rayonında tüşürilgen dronlarnıñ parçaları evniñ divarına uruldı, gaz qazanınıñ alıcısı yandı. Şeerniñ farqlı rayonlarında 7 şahsiy evniñ zarar körgenini qayd ettiler (yerli yanğınlar, çatı yıqılğan, divarlar ve fasadlar parçalanğan). UUAleriniñ parçaları tüşkeni sebebinden 6 yanğın qayd etildi: Çornoriçenska soqağı, Monastırska soqağı ve Fiolent şossesi rayonında ot yandı", — dep yazdı o.
"Qırım yeli" nezaret etici Telegram kanalı bildirdi ki, şaatlarnıñ aytqanlarına köre, Sevastopolda (Aqyarda) elektrik stantsiyası yanında 6-7 patlav oldı. Bundan ğayrı, olarnıñ malümatına köre, gece patlavlar Keriç, Simferopol (Aqmescit) ve Rusiye arbiy hızmetçileri yerleşken Bağçasarayda oldı.
"Bağçasarayda ücümden soñ Rusiye Federatsiyası Qara deñiz flotunıñ 133 ayrı logistika brigadasınıñ anbarları Çehov-Simferopolska soqaqları rayonında yanıp başladı. Brigada reberlik, aşayt donatmaları, yaqarlıq, silâ ve tehnikasınıñ tamiri içün mesüliyetli", — dep qayd etildi haberde.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız