İşğal etilgen Qırımda elektrik energiyasını söndürüv cedvelleri kirsetile. Hususan Aluşta, Sudaq şeerlerinde, Qurman, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Perekop (OrRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) da iqtisat rejimi kirsetildi.
İlk yaz ayınıñ 21-nde yarımadada elektrik teminatınıñ sıñırlanması aqqında işğalli "Krımenergo" haber etti.
"Qırım Cumhuriyetiniñ elektrik ağı hocalığı obyektlerinde yüz bergen qazalar sebebinden yarımada bölgelerinde elektrik energiyasını qullanuv rejimini sıñırlav cedveli kirsetile. Elektrik rejimini sıñırlav cedvelleri aqqında malümat memuriyet ve belediyelerniñ resmiy saifelerinde, em de şirketniñ resmiy saytında yerleştirilecek", — dep bildirdiler işğalli energetikler.
- Yevpatoriya (Kezlev) rayonında elektrik cedvelge köre söndürilecek: 3 saat elektriksiz, 3 saat elektriknen.
- Perekop (Or) rayonında ve Aluşta şeerinde — yalıñız tek künleri elektriksiz saat 00:00-dan 03:00-ğa qadar, soñra 06:00-dan 09:00-ğa qadar ve ilâhre olur. Çift künlerinde ise: elektrik saat 03:00-ten saat 06:00-ğace ve bundan soñ er üç saatte bir kere södürilecek.
- Sudaq şeerinde ve Qurman rayonlarında işğalciler aqşam maalinde elektrik energiyassını 3 saatten ziyade söndürmemege vade eteler.
- Sevastopolda (Aqyarda) şeer tışında elektrik ağlarınıñ çoqluğı sebebinden elektrik energiyasınıñ qullanuvı toqtatıla bile, dep bildirdi şeerniñ işğalli "gubernatorı" Razvjayev.
Hatırlatamız ki, ilk yaz ayınıñ 21-nde "Krımenergo" bildirdi ki, "elektrik ağlarındaki bozulmalar" sebebinden Şimaliy-ğarbiy, Merkeziy ve Cenübiy yalıdaki elektrik rayonlarınıñ qullanıcıları yarıqsız qaldı. Keriçte ukrayin arbiy hızmetçileri tarafından "TES-Terminal-1" neft terminalınıñ ve daa bir sıra arbiy obyektniñ zarar körmesi neticesinde ilk yaz ayınıñ 21-nde gece işğal etilgen Qırımda elektrik ve suv kesildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız