Ukrayina Mudafaa nazirligi işğal etilgen Qırımda soñki künleri ava mudafaası obyektleri, cermay bazaları ve gaz stantsiyalarınıñ zarar körgenini tasdıqladı. Ukrayina nazirligi muracaatında yarımadada bu yaz yaramay kurort mevsimi olğanını qayd etti.
İlk yaz ayınıñ 22-nde Ukrayina Mudafaa nazirliginiñ Facebook saifesinde bu aqqında yazıla.
"Qırımda plâj mevsimini qapatamız. Soñki künleri Mudafaa quvetleri yarımadada: neft bazası, gaz kompressor stantsiyaları, "Pantsir" ve S-400 AMS kompleksleri, "Nebo-U" ve "Kasta" radiolokatsiya stantsiyalarına ücüm ettiler. Turistler içün tahminler yaramay", — dep qayd etildi haberde.
Hatırlatamız ki, 2026 senesi ilk yaz ayınıñ 22-de saat 11:00-de işğalciler Qırımdaki bala lagerleriniñ yerlerini ayırtmasını toqtattılar. Sıñırlavlar ilk küz ayınıñ 1-ne qadar devam etecek. Rusiye Mudafaa nazirliginiñ bildirgenine köre, işğal etilgen "Artek"te balalar evlerine ketirilecek.
İlk yaz ayınıñ 21-nde Ukrayina prezidenti Volodımır Zelenskıy Ukrayina quvetleriniñ hususan Qırım köprü rayonları ve işğal etilgen Qırımdaki Rusiye arbiy ve energetik astyapılarına gece ücümleriniñ neticelerini bildirdi.
"Qırım köprüniñ eki tarafındaki obyektler zarar kördi: Krasnodar bölgesinde neft naqil etilmesi içün deñizde logistikası ve Keriçte neft bazası. Bundan ğayrı, dört S-400 radiolokatsiya stantsiyası ve eki "Pantsir" kompleksi zarar kördi", — dep qayd etti o.
Bundan da ğayrı, USQniñ Baş ştabı ilk yaz ayınıñ 21-nde gece Keriçte "TES-Terminal-1" neft terminalınıñ zarar körgenini tasdıqladı. Müessise toprağında yanğın çıqtı, obyektniñ astyapısı yanğınğa oğrağanını bildireler. Terminal Qırımdaki yaqarlıq ve yağ malzemelerini taşuv ve saqlav esas noqtalarından biri ola ve işğalli ordularnıñ ihtiyaclarını temin etmek içün qullanıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız