İşğal etilgen Qırımnıñ yaqıt stantsiyalarında ilk yaz ayınıñ 21-nde saba eali ve biznes içün yaqıt berilmesi toqtatıldı. Şimdilik benzin ve dizel yaqını yalıñız yarımadanıñ yaşayışını ve telükesizligini temin etken devlet hızmetleri içün bar.
Qırımnıñ işğalci "başı" Sergey Aksönov bu aqqında bildirdi.
İlk yaz ayınıñ 21-nde saba saat 09:00 Qırım yaqıt stantsiyalarında yaqıtnıñ naqd ve naqdsiz esapnen, em de fizikiy ve uquqiy şahıslar içün kuponlarnen satıluvı toqtatıldı. Beyanatta aytıla ki, yaqıt tek devlet hızmetlerine berilecek.
"Cumhuriyetniñ yaqıt bazarında peyda olğan vaziyetnen bağlı er angi ilerideki qararlar aqqında qoşma olaraq haber etilecek. Er kesni tınçlıq saqlamağa ve tek resmiy menbalarğa işanmağa çağıramız".
Rusiye kontrolindeki Aqyar (SevastopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) "gubernatorı" Mihail Razvojayev şeerde yaqıt berilmesiniñ toqtatılğanı ve ayrı stantsiyalarda qoşma sıñırlavlar kirsetilgenini bildirdi.
"Sevastopolnıñ (Aqyarnıñ) aydavcıları içün müim haber. Şeerge yaqıt ketirilmesi toqtatıla. Bu sebepten bugün bizler "TES" yanacaq stantsiyasında QR kodları boyunca yanacaq berilmesini toqtatmağa mecburmız. Şimdiki vaqıtta, benzin yalıñız operativ hızmetlerniñ naqliyatı içün berile. Vaziyetniñ ilerideki inkişafı aqqında daa soñra haber etilecek", — dep o bildire.
Hatırlatamız, işğal etilgen Aqyarda (Sevastopolda), şu cümleden Aqmescit (Simferopol) rayonındaki arbiy yanacaq bazası ve issilik elektrik stantsiyası rayonında gece ücümlerden soñ, ilk yaz ayınıñ 4-nde saba "TES" yaqıt stantsiyalarında yanacaq serbest satıluvı toqtatıldı.
İlk yaz ayınıñ 3-nde gece ve saat 11:00 qadar işğal etilgen Aqyarda (Sevastopolda) bütün işaretlerniñ yaqıtını tek şeerniñ ayatını temin etken operativ hızmetler içün bereler. Aynı zamanda Qırımnıñ farqlı rayonlarında bir qaç kilometrlik maşina nevbetleri devam ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız