Ukrayina mudafaa naziri Mıhaylo Fedorov bildirdi ki, ukrayin dronları işğal etilgen Qırımnı izolâtsiya ete, onıñ içün eñ yaqın kelecekte yarımada adağa çevirilecek.
O, PRESSING YouTube kanalında jurnalist, bloger Serğiy Peyçevnen intervyuda bunı bildirdi.
"Dronlar ile Qırım izolâtsiya etile. Ve eñ yaqın kelecekte Qırım bir adağa çevirilecek kibi körüne", — dep Fedorov qayd etti.
Onıñ aytqanına köre, bu, ruslar içün "pek beklenilmegen" aqibetlerge ketire bilir.
Bundan ğayrı, nazir, Peyçevniñ sualine, Qırımda "neşeli" adseler olıp-olmaycağı sualine, "p***lik" olacağını cevap berdi.
Bundan evel Mıhaylo Fedorov, ukrayin ballistika raketasınıñ cenkniñ ketişatı ve dünyada Ukrayina mevamı içün müim olacağını bildirdi.
Ukrayina Silâlı quvetleriniñ Baş ştabı bildirdi ki, ilk yaz ayınıñ 16-nda ve ilk yaz ayınıñ 17-ne keçer gecesi Ukrayina Mudafaa quvetleriniñ bölükleri Rusiye ordusınıñ bir qaç arbiy ve logistik obyektine ücüm etti. Zarar körgen obyektler arasında Rusiye Federatsiyasınıñ kölge flotunıñ Qara deñizdeki tankerleri ve işğalcilerniñ arbiy logistikasını temin etmek içün qullanılğan eki avtomobil köprü bar.
Bundan da ğayrı, ilk yaz ayınıñ 14-de Ukrayina silâlı quvetleriniñ İnsansız sistemalar quvetleri işğal etilgen Qırımda Rusiye arbiy hızmetçileriniñ beş yalı RLSnı urdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız