Arhangelsk vilâyetiniñ TMtüzetüv müstemlekesi-21e etap etilgen Simferopollı (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adli) faalci Vladlen Abdılkadırov mayıs ayınıñ 15-de hastahanege ketirildi.
"Qırım birdemligi", onıñ apayı Gülzar Abdulkadırovağa esaslanıp, bunı bildirdi.
Onıñ vaziyetini daa evel diagnoz qoyulğan oñravlar arasındaki quyuldıq ve oñravlar deñiştirgeni sebebinden fenalaştı, dep apayı bildirdi. Onıñ aytqanına köre, aqayınıñ bel ağrısı 2023 senesinden başlap, soñra sağ ayağında ağrı ve sol qolunıñ eki parmağınıñ duyğusızlığı peyda oldı.
"O, bazen kötekley, bazen ise uzun vaqıt turıp, oturıp ya da yatıp olamay. Demek ki, o, er daim yerini deñiştirmek kerek. El parmaqlarınıñ üyüşmesi, büyük ihtimalle, boyun bölügindeki qıyınlıqnen bağlıdır. Amma bu tek tahminlerimizdir", — dep Gülzar Abdulkadırova tarif etti.
Hastahanede siyasiy mabüsniñ qan basımı 180ge qadar köterilgenine bir qaç kün devamında basqı yapılğan edi. "Qırım birdemligi"niñ yazğanına köre, ilâclarnıñ yardımınen qan basımını eksiltmege ve stabilleştirmege imkân oldı.
"MRT teşkerüvini bekleyler. Amma olarnıñ cihazı şimdi bozulğan. Onıñ içün onı tamir etip, MRT yapmağa bekleyler", — dep apayı bildirdi.
Bundan da ğayrı, qırımtatar aşayt-işek sisteması meselelerinden de qasevetlene.
"O ne aşasa da, suv içse de, namaz qılğanda ögüne egilgende, hoş olmağan duyğular peyda ola. Şimdi aştan evel aşqazan ağrılarını azlaştırmaq ve sağlığını eyileştirmek içün ilâclarnı ala", — dep Gülzar Abdulkadırova tarif etti.
Vladlen Abdulkadırov aqqında ne bilemiz
Qırımtatar Vladlen Abdulkadırov Özbekistannıñ Namangan şeerinde işçi qorantasında doğdı. 2001 senesi Qırımğa qayttı.
2016 senesinden başlap, apiske alınğanına qadar, faal balalarnıñ ananeviy bayramlarını, şu cümleden Qurban ve Oraza bayramlarını teşkil ete ve keçire edi, Aqmescit rayonınıñ Stroganivka köyüniñ abadanlaştıruvında iştirak ete edi. Meselâ, o ve qomşuları, apiske alınğanı sebebinden qurulışı bitirilmegen bala meydançığınıñ qurulışını qoydılar.
Bundan da ğayrı, Abdulkadırov qırım siyasiy mabüsleriniñ qorantalarına yardım ete edi, qırımtatar halqınıñ vekillerine qarşı makeme oturışlarına bara edi, siyasiy mabüsler içün SİZOğa berilüvlernen oğraşa edi.
2019 senesi martnıñ 27-nde Rusiye quvetçileri Qırım işğali başlağanından berli qırım musulmanlarınıñ evlerinde keçirilgen eñ büyük tintüvler neticesinde 25 qırımtatar cemaat faalcisini tuttılar, olarnıñ arasında Vladlen Abdulkadırov da bar edi. Olarnı "Hizb ut-Tahrir" islâm siyasiy firqasınıñ iştirakçisi olğanlarında qabaatladılar.
2022 senesi mayısnıñ 12-nde Rostov-na-Donudaki Cenübiy bölge arbiy makemesi siyasiy mabüs Vladlen Abdulkadırovnı 12 senege üküm etti. Daa soñ Moskva civarındaki Vlasiha şeerindeki Apellâtsiya arbiy makemesi ükümni deñiştirmedi.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız