İlk yaznıñ 5-nde gece Qırımda patlavlar oldı

İlk yaz ayınıñ 5-de gece işğal etilgen Qırımdaki Keriçte, Fiolent burnu ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) Kazak körfezi rayonında patlavlar oldı. Ruslar ava mudafaası çalışqanını aytalar.

RF Mudafaa nazirliginiñ bildirgenine köre, gece AMS "Qırım, Qara ve Azaq deñizleri üzerinde 123 ukrayin uçucısız uçaq aletini toqtatıp yoq etti".

İşğal etilgen Sevastopolda (Aqyarda) üç kere ava telükesi ilân etilgen edi: saat 02:18 — 02:47, 04:09 — 06:07 ve 07:56 — 08:38 arasında. Şeer "gubernatorı" Mihail Razvojayev deñiz üzerinde, yalıdan uzaqta, üç dron urulğanını bildirdi. Şeer "gubernatorı" Mihail Razvojayev 11 dron tüşürilgenini bildirdi.

"Lenin rayonındaki eki MKDçoq qatlı evde bir qaç pencereler qırıldı ve bir daire penceresi zararlandı, Nahimovsk rayonındaki şahsiy evniñ damı urulğan UUA parçalarından zararlandı. Kimse zarar körmedi", — dep ayta o.

Ava telükesi sebebinden deñiz yolcu naqliyatınıñ areketi 05:09-dan 06:12-ge qadar, 07:13-den 08:41-ge qadar toqtatıldı, dep Sevastopol (Aqyar) yol-naqliyat astyapısınıñ inkişafı işğalli müdirligi bildirdi.

Yerli sakinler "Qırım yeli" Telegram kanalına bildirgenine köre, Kazak körfezi rayonında patlavlardan soñ ava telükesi ilân etilgen edi. Bundan evel saat 07:44 "Pantsir" zenit raketa-top kompleksi ateş açqan edi, saat 07:52-de ise Fiolent burnu rayonından eki kere Rusiye AMS raketaları atılğan edi.

Şaatlarnıñ aytqanına köre, Keriçte saat 01:00-da eki patlav oldı. Saat 02:20 Aqyarda Ostrâkov caddesinde UAV işi eşitildi, bundan soñ patlav çıqtı ve ava telükesi peyda oldı.

Bundan da ğayrı, saat 02:44 Fiolentte "pek küçlü patlav oldı, uzun sürgen, az patlavnen ev sarsıldı". Saat 06:00-da Sevastopoldaki (Aqyardaki) Kazak körfezi rayonında "küçlü patlav" oldı.

Hatırlatamız, İlk yaz ayınıñ 4-nci gecesi işğal etilgen Qırımda Ukrayina Silâlı Quvetleriniñ İnsansız sistemalar quvetleri "Svitlâk" sıñırcı qaravul gemisi, lokomotivlar ve RSBN-4N radiotehnik yaqın navigatsiya sistemasın ücüm etti. İSQniñ komandanı Robert ("Madâr") Brovdi Facebookta bu aqqında haber etti.

Bundan evel Ukrayina Mudafaa quvetleri ilk yaz ayınıñ 3-de gece işğal etilgen Qırımdaki Novofedorivka şeerinde yerleşken "Saq" ava limanında RBSSN-4N yaqın navigatsiya radiotehnik sistemasını urdı.

Читати ще