İşğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde adam tevqif etilip, oña qarşı "devlet gainligi" çerçivesinde cinaiy dava açıldı. O, ömür apis cezasını ala bilir. "Tahqiqat"nıñ versiyasına köre, o, Ukrayina Havfsızlıq hızmetine rusiye arbiy hızmetçileri ve aile azaları aqqınsa bilgilerni toplap yollay edi.
FSBniñ Qırımdaki işğalli idaresi bunı bldirdi, dep ilk yaz ayınıñ 4-nde RİA "Novosti Krım" rusiye teşviqiy haber agentligi haber berdi.
"1963 senesi doğğan ve cesuslıqta şübelengen Sevastopol şeeriniñ sakininiñ qanunsız faaliyeti toqtatıldı. Belgilendi ki, cinayetçi UHHniñ hadiminen gizli işdeşligine çağırıldı ve onıñ emirlerine köre, RF Mudafaa nazirliginiñ arbiy hızmetçileri aqqında bilgilerni ukrayin mahsus hızmetlerine yollay edi, aile azalarınıñ naqliyat vastalarını nezaret etecek edi", — dep "FSBniñ Qırımdaki işğalli idaresi"niñ matbuat hızmetiniñ haberinde qayd etildi.
Şu anda adam apistedir.
Hatırlatamız ki, 2026 senesiniñ birinci kvartalında qayd etildi ki, işğal etilgen Qırımda eñ az 17 insan tutuldı, 6 ev tintildi, 57 adam apiske alındı, 17 insan sorğuğa çekildi, 68 kere adaletli mahkeme aqqı bozuldı ve 23 sağlıq aqqı bozuldı.
Bundan ğayrı, QRM qayd etti ki, rusiye apishanelerinde eñ 12 saqatlı siyasiy mabüs ve 28 esli-başlı adam tutula.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız