İşğal altındaki Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad da) benzin satıluvı sıñırlanmağa devam ete, çünki yaqarlıq teminatınen bağlı meseleler bar.
Mayısnıñ 22-nden başlap benzin stantsiyalarında bir maşna ya da kanistrağa 20 litrden ziyade berilmey.
Şeerniñ işğalli gubernatorı Mihail Razvojayevniñ bildirgenine köre, mayısnıñ 25-nde yaqarlıq ketirilecek.
"Tam stabilleşüvge qadar 20 litrlik sıñırlama qullanılacaq", — dep yazdı o.
Razvojayevniñ muavini Pavel İyenonıñ qayd etkenine köre, mesele "logistik qıyınlıqlar" sebebinden peyda oldı.
İyenonıñ aytqanına köre, mayısnıñ 22-nde "Atan" yaqarlıq stantsiyaları ağında Aİ-92, Aİ-95 benzinleri ve dizel yaqarlığı bar edi, amma bütün stantsiyalarda degil. "TES" yaqarlıq stantsiyasında yalıñız Aİ-92 benzin bar, Aİ-95 ve dizel yaqarlığı ise aqşamğa qadar beklenile. Şimdilik benzin stantsiyalarınıñ bir qısmında yaqıtnı tek kuponlar vastasınen bereler.
Aynı zamanda, "Qırım yeli" Telegram kanalı bildirdi ki, şimdi 95-inci benzin tek eki ATAN benzin stantsiyasında, 100-inci benzin ve gaz ise tek birinde bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız