İşğal etilgen Qırımnıñ "Canköy" demiryol stantsiyası üç kündir yolcular içün qapatıldı. Stantsiya mayısnıñ 23-nden berli çalışmay.
"Grand Service Express" Rusiye naqliyat şirketi bunı bildirdi.
"Bazarertesi künü, mayısnıñ 25-nde, Canköy stantsiyası, mahsus ilân etilmegence, yolcular içün qapatılacaq. Trenler Canköyniñ yanından keçip, deñiştirilgen marşrutqa ketti", — dep haberde qayd etildi.
Yolcularğa "Urojayna" stantsiyasında minmege teklif etile.
Sebepler tehnikiy, dep şirket añlattı. Tafsilâtlar aydınlatılmay.
"Qırım yeli" Telegram kanalınıñ haber etkenine köre, mayısnıñ 23-nde gece "Canköy" stantsiyası yanında patlavlar yüz berdi. Aynı zamanda uydu resimlerinde yanğın körüne.
Ukrayina tarafı Canköy stantsiyası civarındaki ücümler aqqında malümat bermedi.
İşğal etilgen Cenübiy şeer yanındaki yolcu şirketiniñ matbuat hızmeti bildirgeni kibi, bu yönelişlerdeki naqliyat toqtatıldı.
- Canköy — Ermeni Bazar
- Canköy — Urojayna
- Canköy — Solone ozero
- Canköy — Ostrâkove
Bundan da ğayrı, işğalci şeer yolbaşçısı İgor İvin bildirdi ki, mayısnıñ 26-da bazı avtobuslar tehnikiy sebeplerden marşrutqa çıqmaycaq.
Hatırlatamız ki, Herson vilâyetiniñ işğal etilgen qısmında rusiye işğalli akimiyeti Qırımğa yük naqliyatınıñ areketini sıñırladı.
Sıñırlavlar "R-280 "Novorossiya" federal yolunıñ "Canköy" keçiş noqtasına doğru" kirsetildi. Herson vilâyetiniñ Rusiye tarafından tayin etilgen "gubernatorı" Vladimir Saldonıñ buyruğında bu aqqında aytıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız