2014 senesi Qırım işğal etilgen soñ Rusiye Federatsiyasınıñ mahkeme organlarında çalışmağa devam etken eki işğalli mahkemeci Ukrayina tarafından devlet hainligiUkrayina CQniñ 111-nci maddesiniñ 1-nci qısmı içün 13 ve 12 yıl apis cezasına mahküm etildi.
Çiçek ayınıñ 20-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeeri prokurorlığı Facebook saifesinde bu aqqında haber etti.
Prokurorlıqnıñ malümatına köre, mahküm etilgenler işğal etilgen Krasnoperekopsk rayon mahkemesiniñ ve Qırımdaki 21-inci arbitraj istinaf mahkemesiniñ "mahkemecileri" vazifelerini aldılar.
Muhtariyet prokurorlığı olarnıñ adlarını aytmadı, lâkin Suspilne Qırım menbalarınıñ anonimlik şartınen bergen malümatına köre, söz Vâçeslav Omelçenko ve Oleksandr Savçenko aqqında kete.
"Bu şekilde mahküm etilgenler Qırımda çalışqan ukrayin mahkeme sistemasınıñ Rusiye qanunlarına köre adaletke keçmesine yardım etti ve duşmanğa Ukrayinağa qarşı bozuv faaliyetini alıp barmağa yardım etti", — dep haberde qayd etildi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
İşğalden soñ Rusiye tarafına keçken Qırım prokurorlığınıñ eki sabıq hadimi Ukrayinada devlet hainligi içün 13 yılğa üküm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız