Çeçek ayınıñ 5-te aqşam ve çeçek ayınıñ 6-da gece işğal etilgen Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeerlerinde, "Qaçı" ve "Belbek" ava limanları ve yarımadanıñ daa bir qaç rayonında patlavlar oldı. İşğalli Sevastopol (Aqyar) akimiyeti, deñiz ve şeerniñ farqlı rayonları üzerinde yedi dron tüşürilgenini iddia ete.
Sevastopol (Aqyar) "gubernatorı" Mihail Razvojayevniñ bildirgenine köre, şeerde ve rayonında dronlarnıñ parçalarından bir qaç zarar qayd etildi, amma yaralanğanlar yoq.
Berman (Beş QobaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) yılğasındaki şahsiy bir ev zarar kördi ve bir tarla yanğınğa oğradı. Yanğın söndürildi. Parçalar daa Aziz Georgiy manastırınıñ parkına tüşti. Polüşko köyünde urulğan dronnıñ parçaları şahsiy evniñ tavanını urdı, dep Razvojayev iddia etti.
O, şeer içün ava telükesi saat 19:45-te ilân etilgen edi, saat 22:54-te ise lâğu etildi.
Bundan da ğayrı, RF Mudafaa nazirligi bildirdi ki, Moskva vaqtına köre saat 20:00-den 23:00-ke qadar Rusiye ava mudafaası Belgorod ve Kursk vilâyetleri, Rusiyeniñ Krasnodar ülkesi, Qırım ve Qara deñiz üzerinde 148 ukrayin UUAni toqtatıp yoq etti.
Aynı vaqıtta, şaatlar "Qırım yeli" Telegram kanalına bildirdiler ki, Sevastopoldaki (Aqyardaki) "Belbek" ve "Qaçı" ava limanları rayonında Rusiye ava mudafaası sisteması ateş açtı. Bundan da ğayrı, dronlar Fiolent burnu yanında qayd etildi. Keriçte Azaq deñizinden patlavlar eşitildi, aynı zamanda Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Canköy şeerlerinde patlavlar oldı. Saat 23:41-de Sevastopolda (Aqyarda) yerli sakinler küçlü patlavnı eşittiler.
Bundan ğayrı, gece Bağçasaray rayonınıñ yalısında daa bir patlav oldı, dron uçmazdan evel Simferopolda (Aqmescitte) "pek küçlü patlav" eşitildi.
Bundan da ğayrı, saat 21:57 — 00:30 arasında Qırım köpründe maşina areketi toqtatıldı, dep işğalli avtomobil yolları merkezi bildirdi.
Aynı zamanda, bir şaat Telegram kanalına bildirdi ki, Fiolent burnu rayonında "Pantsir" zenit raketa-top komplekslerinden iç birisi nişanğa raketalarnı degil de, yalıñız zenit qurşunlarını ateşledi.
Hatırlatamız ki, çeçek ayınıñ 5-nde işğal etilgen Sevastopolda (Aqyarda) uçucısız uçaq aletleriniñ ücüminden soñ şeerniñ bir qısmı elektriksiz qaldı. İşğalli akimiyet bildirdi ki, urulğan UUAleriniñ parçaları sebebinden elektrik ağları zarar kördi. Hususan, "Belbek" arbiy ava limanı yerleşken Lübımivka köyünde elektrik yoq.
Bundan ğayrı, çeçek ayınıñ 5-nde gece, Ukrayina Silâlı quvetleriniñ Baş ştabınıñ malümatına köre, işğal etilgen Saqta mudafaa quvetleri Rusiye ordusınıñ aviatsiya tehnikasınıñ anbarına ücüm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız