2014 senesi Qırımnıñ Rusiye tarafından işğalinden soñ Rusiye FSBsine könüllü olaraq qoşulğan Aqyar (SevastopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) askeri 15 yılğa apis cezasına mahküm etildi. Ukrayinada tış istihbarat hızmetinde arttehoz silâ stolu yolbaşçısı vazifesini becere edi.
Poltava vilâyetinde UHH Baş idaresiniñ Facebook saifesinde bu aqqında haber etildi.
Tahqiqatnıñ malümatına köre, 2014 senesi qural ayda Aqyarda (Sevastopolda) mahküm etilgen qadın, Ukrayina qıtasına avuştırılması aqqında emirni yerine ketirmek yerine, göñülli olaraq Rusiye FSBsine hızmetke kirdi.
"Poltava vilâyetinde Telükesizlik hızmetiniñ delil bazasına köre, Qırım işğalinden soñ duşman tarafına keçken devlet hainesi 15 yılğa qadar apiske alındı. Qırım Muhtar Cumhuriyetinde yerleşken Ukrayina tış istihbarat hızmetiniñ arbiy qısmında hızmet etken Aqyar (Sevastopol) sakini oldı. O, artteho silâ anbarınıñ yolbaşçısı vazifesini becere edi. Mahkeme ögündeki tahqiqatnıñ malümatına köre, 2014 senesi qural ayda arbiy hızmetçi hadimlerniñ yerleştirilüvi boyunca emirni yerine ketirmegen ve RF Federal telükesizlik hızmetine göñülli olaraq qoşuldı", — dep haberde aytıla.
Telükesizlik hızmetiniñ malümatına köre, mahkeme onı Ukrayina Ceza kodeksiniñ 111 maddesiniñ 1-inci qısmı (devlet hainligi) ve 408 maddesiniñ 1-inci qısmı (dezertirlik) ile qabaatladı. FSB hadimi 15 yılğa üküm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız