Ukrayinada yasaq etilgen "Vkontakte" rusiye içtimaiy ağında saban ayınıñ 15-nde işğal etilgen Feodosiyadaki (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki) yıqılğan kilseniñ fotoresimleri yayınlandı — fotoresimlerge köre, divarlarından biri yıqılğan. Söz, 1408 senesi qurulğan ermeni cemaatınıñ katolik kilsesi, Gavriil ve Mihail melekleri ibadethanesi aqqında yürsetile. Tarihçılarnıñ malümatına köre, qadimiy zamanlarda anda İvan AyvazoyskiyQırımda (Feodosiya) doğdı ve çalıştı. O, 6000den ziyade resim yaptı, esasen deñiz manzaraları, ve sanat tarihında eñ usta deñiz ressamlarından biri sayıla evlendi.
Saban ayınıñ 15-nde "Vkontakte" rusiye içtimaiy ağında "Hraniteli naslediya" areketiniñ faalcileri ibadethaneniñ yıqılğanı aqqında haber berdiler.
"Feodosiya (Kefe — terciman) XV asırda qurulğan, Ayvazovkiynen bağlı olğan idabethaneni coya! Feodosiyadaki Gavriil ve Mihail melekleri ibadethasiniñ divarı (yan sunağı — muar.) tamamınen yıqıldı. Birazdan onıñ çañ qullesi de yıqıldı", — dep faalciler bildirdiler.
Evel Suspilne Qırım añlattı ki, ibadethanege kimse baqmaz. Evel 2026 senesi anda çañ qullesi yıqıldı ve o zaman yerli sakinler ibadethaneniñ divarlarında çatlaqlar daa büyük olğanına diqqat ayırdılar.
Qırımtatar Resurs Merkezi (QRM) de işğalcilerniñ Qırımdaki medeniyet mirasınıñ saqlanmasına dair areketsizligini qayd etti.
"Vaqtınca işğal etilgen Qırım toprağındaki tarihiy ve diniy abidelerniñ viran etilmesi — işğalli memuriyetniñ uyğunsız qayğıruvı ve muntazam areketsizliginiñ neticesidir. Böyle adiseler, olarnıñ yarımadadaki medeniyet mirasınıñ saqlanmasına dair areketsizligini qayd ete ve Qırımnıñ çoq milliy tarihınıñ yekâne obyektleriniñ yoq etilmesine yol aça'', — dep QRM qayd etti.
Gavriil ve Mihail arhangeller ibadethanesinde kütleviy dualar oqunmaz. Turistler içün de qapalı. Buña baqmadan, ''Krım 24'' rusiye telekanalınıñ malümatına köre, yasaqlarğa baqmadan ibadethane toprağında maşnalarnı park eteler.
Evel işğalciler eyyet teşkil etmege ve "para olsa" bu ibadethaneni "restavratsiya etmege" niyetlengenlerini bildirdiler.
Gavriil ve Mihail melekler ibadethanesi — 1408 senesi qurulğan ermeni cemaatınıñ katolik kilsesi. Bina orta asır ermeni mimarlığınıñ adetlerinde roman üslübi elementlerinen yapılğan. İbadethane yerli but taşından kireçli suvda qurulğan, odalar ve köşeler ise taşnen tizilgen. Obyekt medeniy miras abidesi cedveline kirsetilgen. Soñki sefer tamir işleri 1968 senesi yapılğan edi.
Tarihçılarnıñ malümatına köre, bu yerde 1848 senesi arman ayınıñ 15-nde İvan Ayvazovskiy birinci apayı Yuliya Grevsnen evlendi.
Evel Suspilne Qırım yazdı ki, işğal etilgen Qırımnıñ Feodosiya (Kefe) şeerinde topraq suvları basqanı içün XIV asırda qurulğan Surb Sarkis ermeni ibadethanesi viran etüv telükesine oğradı. Anda ressam-marinist İvan Ayvazov kömülgen.
Bundan ğayrı, Feodosiya (Kefe) şeerinde orta asırlarda qurulğan aziz Kostântın qullesi yıqıla. Qulleniñ yıqılması yağmur yağğan soñ daa beter ola.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız