İşğalcilerniñ altı aydan ziyade toldurğanları Qırımdaki Qarasuvbazar yapma gölü kiçik aynıñ ortasında suv çıqarmaq içün qapıları açılğandan soñ, tezden miqdarını coya başladı. Altı ay içinde yapma gölü tek 85%-ge tolu oldı.
Kiçik aynıñ 24-nde "Qırım.Aqiqat"qa yerli memleketşınas bunı bildirdi.
Onıñ sözlerine köre, suv tüşürilmesiniñ büyük miqdarı Qırımnıñ eñ suvlu Qarasuv Başı özeninden suvnıñ yapma gölüne berilmesinden bayağı ziyade ola.
Suv Tayğan yapma gölüne ve Şimaliy Qırım kanalına ve yarımadanıñ cenübiy-şarqındaki yapma göllerine suv bergen Büyük Qarasuv özenine yollanıla edi. Neticesinde Qarasuvbazar yapma gölünde suv seviyesi pek tüşti.
"Altı ay içinde suvnıñ ne qadar azlaşqanını körmek mümkün. Onıñ içün Qırımnıñ Rusiye akimiyetiniñ Qırım yapma gölleriniñ qış yağmurlarından soñ toldurılmasınen bağlı vaziyetni eyileştirmek aqqında bütün fikirleri — bu teşviqat mifidir", — dep memleketşınas qayd etti.
Bundan evel Qırım suv hocalığı devlet eyyeti, yarımadadaki yapma göllerinde 340 künge yetecek suv yedekleri bar olğanını bildirdi. Eñ alçaq yedekler yarımadanıñ şarqiy qısmında — Keriç, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sudaq ve Keriç rayonınıñ meskün yerlerini temin etken yapma göllerinde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız