İşğal etilgen Qırımdan Rusiye ordusını temin etken üç "göñülli"ge istilâcı devletke yardımUkrayina CQniñ 111-2-nci maddesiniñ 1-nci qısmı etkeninde şübe bildirildi. İşğal etilgen "Nahimovskıy munitsipal bölgesi Şurası"nıñ mebusı ve "Zaşçitniki" ve "Volonterı Vostoçnogo Krıma" teşkilâtlarınıñ iştirakçileri aqqında söz yürsetile. Olar 12 yılğa qadar apis cezasını ala bileler.
Kiçik aynıñ 24-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı Facebookta bunı bildirdi.
Tahqiqatnıñ malümatına köre, olar Rusiye arbiy hızmetçilerine Rusiyeniñ Ukrayinağa istilâsınıñ başında yardım etip başladılar.
Şübeli "mebus" Ukrayinada yasaq etilgen içtimaiy ağdaki saifesinde gumanitar yüklerniñ yollanılması aqqında haber etti. O, Sevastopoldan (Aqyardan) diger zenaatdaşlarınen beraber işğalcilerge benzin generatorlarını, gidrotsikl ve maşnanı berdi.
Diger eki şebelengen adam para toplap, RF Silâlı quvetleriniñ yerleşken yerlerine şahsen maşina ve akkumulyatorlarnı, generatorlarnı, elektrik stantsiyalarını, qurucılıq malzemelerini ve aletler taqımlarını ketirdiler.
Ukrayina prokurorlığınıñ malümatına köre, ukrayin mahkemesi istilâcı devletke yardım etkeni içün 61 Ukrayina vatandaşını mahküm etti.
Hususan, kiçik aynıñ başında Ukrayinada Sevastopollı (Aqyarlı) iş adamı bu maddege istinaden 11 yılğa mahküm etildi. Qırım Muhtar Cumhuriyeti prokurorlığınıñ bergeni malümatqa köre, adam RF Silâlı quvetlerine yardım etmek içün aktsiyalarnı teşkil ete edi. Suspilne Qırımnıñ malümatına köre, söz Edvard Beym aqqında yürsetile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız