İşğal etilgen Qırım yanında, Keriçten 78 km şimaliy-ğarpta 4,8 ballıq zelzele olıp keçti. Yer teprenüvi kiçik aynıñ 2-de Kıyiv vaqıtına köre saat 11:47 yaqınlarında 10 kilometr terenlikte qayd etildi.
Avropa Aq deñiz seysmologiya merkeziniñ saytında bu aqqında haber etildi.
Resursnıñ malümatına köre, yer teprenüvleri Keriç rayonındaki Keriç ve Şçolkino yanında 10 kilometr terenlikte olıp keçti.
Bugün saba eki qasabada da elektrik yoq.
İşğalli müesssieler yer teprenüviniñ neticeleri aqqında daa haber etmediler.
''Qırım yeli'' nezaret Telegram kanalınıñ malümatına köre, teprenüvlerni işğal etilgen Şçolkino sakinleri de duydılar.
"Kerçten 80 kilometr uzaqlıqta yerleşken Qırımnıñ Keriç rayonındaki Şçolkine şeeriniñ sakinleri küçlü teprenüvlerni duydılar. Yerli sakinler içtimaiy ağlarda qayd ettiler ki, dairelerde divanlar, yataqlar, dolaplar ve avideler titredi. Çoq insan azbarğa çıqtı", — dep haber etildi.
Hatırlatamız ki, ilk qış ayınıñ 12-de işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yanında çoq sayılı artqaç teprenüvnen zelzele olıp keçti.
İlk qış ayınıñ 14-te işğal etilgen Qırımda da zelzele qayd etildi.
Hatırlatamız ki, Qırım Aq deñiz (Alp-Gimalay) qatlanğan quşağınıñ çetinde yerleşken seysmik havflı bölgedir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız