2025 senesi işğal etilgen Qırımda 53 siyasiy mabüsniñ etapı qayd etildi, olardan 38-i — qırımtatarlar.
Qara qış ayınıñ 27-nde Qırımtatar Resurs Merkezi (QRM) bu aqqında haber berdi.
2024 senesi 45 etap qayd etildi, olardan 38-i — qırımtatarlarnıñ etapı edi, 2023 senesi ise 68 mabüs etap etildi, olardan 59-ı — qırımtatar halqınıñ vekili edi.
Uquq qorçalayıcılar qayd ettiler ki, etap insaniyetsiz şaraitte olıp keçe. QRM qoştı ki, siyasiy mabüslerni cemaatnıñ desteginden marum qaldırmaq, qorantalarınen bağnı zorlaştırmaq ve advokatlarnıñ irişimini sıñırlamaq maqsadınen işğalli akimiyet añlı tarzda olarnı yarımadadan alıp kete.
"Bu devirde işğalciler böyle insanlarnı etap ettiler: Oleksandr Sizikov (2), Oleğ Fedorov, Seyran Hayretdinov, Ruslan Mesutov, Erfan Osmanov, İrına Danılovıç, Asan Ahtemov, Marlen Mustafaev, Servet Gaziev, Timur Yalkabov, Arsen Abhairov (2), Ansar Osmanov, Rustem Şeyhaliev, Ruslan Süleymanov, Osman Arifmemetov, Yaşar Muedinov, Enver Mamutov, Emil Cemadenov, Lenur Seidametov, İrına Ğorobtsova (2), Yaşar Şıhametov, Lenur Halilov, Riza İzetov, Memet Belâlov, Eskender Abdulganiev, Oksana Senecuk, Halil Mambetov, İsmet İbragimov (2), Leman Zekeryayev, Olğa Tsirik, Ğennadiy Osmak, Seğiy Lıhomanov, Seyran Asanov, Abibulla Smedlâev, Emir Kurtnezirov, Rustem Mustafaev, Mırzali Tacıbaev, Bahtiyar Ablaev, Serğiy Yatskov, Alina Ğrek, İrına Levçenko", — dep uquq qorçalayıcılar qayd ettiler.
2025 senesi ilk qış ayında işğal etilgen Qırımda dört ev tintildi, 14 insan tutuldı, 10 insan sorğuğa ve ''subet''ke çekildi, 20 insan tevqif etildi, dep Qırımtatar Resurs Merkezi haber berdi.
QRMniñ malümatına köre, 20 tutulğan insanlardan 11-i qırımtatar. Hatırlatamız ki, QırımSOSnıñ bilgilerine köre, 2025 senesi qara qış — boş aylarında işğal etilgen Qırımda eñ az 52 ayrı cinaiy vaqia qayd etildi, olarda eñ az 66 insan zarar kördi.
Hatırlatamız ki, qara qış ayınıñ 26-na qadar işğal etilgen Qırımda RF CQniñ 20.3.3-nci — "rusiye ordusını itibardan tüşürüv" — maddesine binaen 1672 açılğan dava qayd etildi. Olarnıñ çoqusı — qadınlarğa qarşı edi.
Rusiye Ukrayinanıñ vaqtınca işğal etilgen topraqlarında muntazam sürette halqara uquqnı boza, cenkni tenqit etkenleri içün ve uydurılğan sebeplerden vatandaşlarnı kütleviy şekilde tuta. BMTnıñ İnsan aqları monitoring missiyasınıñ yolbaşçısınıñ muavini Moel Kalgunnıñ qayd etkenine köre, böyle tevqifler vaqtında işğalciler ukrayin ya da halqara qanunları yerine rusiye qanunlarına esaslanalar.
Bundan ğayrı, Rusiyede, bu añlamnıñ uquq ceetinden tam bir tarifi olmağanına baqmadan, cenkke qarşı ifadeler aqqında çaqmaq dalğası arta. Küzniñ başında anda "Rusiye Federatsiyası ordusını itibardan tüşürüv" maddeleri boyunca 1500 protokol tizildi. Ukrayina Tış istihbarat hızmeti bunı bildirdi.
Onıñ malümatına köre, 2022 senesi kiçik aydan 2025 senesi ilk qış ayına qadar RFdaki mahkemeler cenkke qarşı nazar noqtası içün 12019 memuriy ve 227 cinaiy davanı baqtı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız