Qara qış ayınıñ 27-nde gece maalinde Ukrayina Mudafaa quvetleri, işğal etilgen Qırımnıñ Qaçı qasabası yanında yerleşken "Tor-M2" zenit-raketa kompleksine urdı.
USQniñ Baş ştabı bu aqqında haber berdi.
"Rusiye tecavuzcısınıñ ücüm quvetlerini zayıflatmaq maqsadınen qara qış ayınıñ 27-nde gece maalinde Ukrayina Mudafaa quvetleriniñ bölükleri işğal etilgen ukrayin Qırımınıñ Qaçı qasabası yanında yerleşken "Tor-M2" zenit-raketa kompleksine urdı. Zararnıñ miqyası ögrenile", — dep qayd etildi.
Evel USQniñ Baş ştabı, qara qış ayınıñ 21-22 künleri arasında Qırımda RFnıñ bir qaç öbyektine urğanı aqqında haber berdi. Ukrayina Mudafaa quvetleriniñ bölükleri (Libknehtivka m.y.) "Protivnik-GE" 59H6-E radiolokatsiya stantsiyasını; (Yevpatoriya ş.) "Nebo-U" 55J6 radiolokatsita stantsiyasını; (Rusakivka m.y.) "Nebo-U" 55J6 radiolokatsita stantsiyasını yoq etti.
Qara qış ayınıñ başında USQniñ İnsansız sistemalar quvetleri, ava boşluğınıñ nezaretini temin etken işğal etilgen Qırımdaki radiolokatsita stantsiyasına urdı.
Telegram, WhatsApp, Facebook, TikTok ve YouTubede Suspine Qırım haberlerine abune oluñız