UHHniñ işğal etilgen Qırımdan eki sabıq hadimini 15 yılğa qadar apis cezası bekley. Olarğa qarşı devlet hainligiUkrayina CQniñ 111-nci maddesiniñ 1-nci qısmı boyunca qabaatlavlar mahkemege yollanıldı.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"Qabaatlanğanlar — 2013 senesinden başlap UHHniñ Qırım MCdeki Bİniñ "devlet menfaatlarını qorçalav boyunca qarşı istihbarat bölüginiñ 3-nci bölüginiñ reisi" ve"2-nci qarşı istihbaratnı idare etüv bölüginiñ ayrıca müim vaziyetler operativ vekâletlisi" vazifelerine tayinlengen Ukrayina vatandaşlarıdır. Tahqiqat, 2014 senesi olar askerlik antını bozğanlarını ve Rusiye FSBsiniñ Qırım Cumhuriyeti ve Sevastopol (Aqyar — terciman) şeerindeki işğalli idaresiniñ çeşit bölükleriniñ yolbaşçıları olaraq çalışqanlarını belgiledi", — dep haberde qayd etildi.
Suspilne Qırımnıñ uquq qorçalayıcı organlardaki menbalarnıñ bildirgenine köre, söz Zatsnıy Yuriy Anatoliyovıç ve Verövoçkin Andriy Anatoliyovıç aqqında kete.
Prokurorlıqnıñ hatırlatqanına köre, Ukrayina Anayasasınıñ 62-nci maddesine binaen, insan, qanuniy şekilde qabaatı isbatlanıp, mahkemeniñ qabaatlav qararı çıqarılmağanına qadar, qabaatsız sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız