Boş ayınıñ 2-nde Kıyiv saatine köre saat 15:00-da Qırım köpründe 715 maşna tura ediler. İşğal etilgen Keriç tarafından — 620 maşna. Rusiyeniñ Taman tarafında — 95.
Köprüde vaziyet aqqında operativ malümat Telegram kanalı bildire.
"Taman tarafından elnen baqılması içün nevbette 95 naqliyat vastası turalar. Keriç tarafından elnen baqılması içün nevbette 620 naqliyat vastası turalar. Beklev müddeti eki saattan çoq ola", — dep haberde aytıla.
Hatırlatamız, boş ayınıñ 1-nde Keriç köpründe nevbetler toplanıla ediler: saat 15:00 718 maşna ve saat 16:00 699 maşna.
2025 senesi boş ayından başlap elektromobil ve gibrid maşnalarına Qırım köprüne Tamana ve Keriç tarafından kiriş yasaq etildiler.
RFnıñ Krasnodar ülkesi memuriyetiniñ matbuat hızmeti TASS Rusiye devlet agentligine bergen izaatında, elektromobil ve gibrid maşnalarınıñ Qırım köpründen Tamana tarafından keçüv yasağı "terrorizmge qarşı komissiyanıñ tevsiyelerinen" bağlı olğanını bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız