İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) partizanlar Rusiye Federatsiyasınıñ Qara deñiz flotunıñ 127-nci ayrı istihbarat brigadasınıñ (67606) arbiy qısmınıñ esas obyektleriniñ yerleşken yerlerini, noqtalardaki nevbetler cedvelini ve komandanlıq erkânınıñ areket marşrutlarını taptılar.
Orta küz ayınıñ 20-nde "Ateş" arbiy-partizan areketi Telegram kanalında bunı bildirdi.
"Bölük Rusiye Federatsiyasınıñ QD ordusınıñ 22-nci arbiy korpusı terkibine kire ve Herson yönelişinde faal qullanıla. 2014 senesi Qırım işğal etilgen soñ teşkil etilgen brigada istihbarat ve ücüm tedbirlerinde ihtisaslaştıra", — dep haberde bildirildi.
Bundan ğayrı, partizanlar, brigadanıñ arbiy qısmı aqqında toplağan bütün malümatnı Ukrayina mudafaa quvetlerine bergenlerini qayd ettiler.
"Ateş" areketiniñ vekilleri daa evel istihbarat operatsiyasını keçirip, Ukrayina Mudafaa quvetlerine işğal etilgen Sevastopolda (Aqyarda) ZRK uçuruv meydançıqlarınıñ koordinatlarını berdiler.
Bundan evel "Ateş"niñ haber etkenine köre, cebedeki büyük zararlar sebebinden işğalciler Sevastopolda (Aqyarda) arbiy hastahaneniñ qurucılığı tezleştirile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız