Orta küz ayınıñ 3-nde gece işğal etilgen Qırımdaki "Belbek" arbiy ava limanı yanında, Keriç rayonında ve Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) patlamalar eşitildi. Bundan evel orta küz ayınıñ 2-de Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarında patlamalar yüz berdi. RF Mudafaa nazirligi yarımada ve Qara deñiz üzerinde bir qaç uçucısız uçaq aletiniñ urulğanını bildirdi.
Rusiye mudafaa nazirliginiñ malümatına köre, orta küz ayınıñ 2-nde saat 21:30-tan orta küz ayınıñ 3-nde saat 7:00-ge qadar Rusiye ava mudafaası Qırım üzerinde dört ve Qara deñiz üzerinde 11 uçucısız uçaq aletini yoq etti ya da toqtatqan edi.
Aynı vaqıtta yerli sakinler "Qırım yeli" Telegram kanalına Feodosiyada (Kefede) ve Keriç civarında bir qaç patlama eşitkenlerini bildirdiler. Şaatlarnıñ aytqanlarına köre, Belbek arbiy ava limanı civarında da gürültü oldı.
Hatırlatamız ki, orta küz ayınıñ 2-nde işğalli Sevastopol (Aqyar) gubernatorı Mihail Razvojayev Rusiye AMSnıñ çalışqanı aqqında bildirdi. Onıñ aytqanına köre, Kozak körfezi rayonında uçucısız uçaq aletini urıp tüşürdiler.
Bundan evel Ukrayina SQniñ Mahsus operatsiyalar quvetleri bildirdi ki, ilk küz ayınıñ 30-na keçer gecesi işğal etilgen Qırımda Rusiye S-400 "Triumf" raketa kompleksiniñ radiolokatsiya stantsiyasına uçucısız uçaq aletleri tarafından ücüm yapıldı.
Daa evel Qırımda Bİİniñ "Prımarı" mahsus bölüginiñ askerleri eki An-26 Rusiye naqliyat uçağını yaqtılar, em de suv üstündeki RLSnı ve MR-10M1 "Miss M1" yalı RLSnı urdılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız