Qırımda işğalciler yañı 1500 kişilik SİZO açmağa planlaştıralar. Qurucılıq kelecek sene başlanacaq, onı 2030 senesine qadar bitirmege planlaştıralar.
Milliy muqavemet merkezi bunı bildirdi.
"Sebebi sade ve qorqunçlı: işğalciler cezalarnı quvetleştireler, mevcut apishaneler artqaç tolu, Qırım ise büyük bir apishanege çevirildi", — dep haberde qayd etildi.
Hatırlatamız ki, Ukrayina prezidentiniñ Qırımdaki temsilciliginiñ malümatına köre, 2026 senesi işğalciler işğal etilgen yarımadada SİZOda yerlerniñ sayısını arttırmağa planlaştıralar.
Şimdi, ruslarnıñ malümatına köre, yarımadada tahqiqat izolâtorlarınıñ tolulığı 103%-ni teşkil ete. Rusiye akimiyeti 366 yerlik SİZO qurmağa ve eki basamaqta 1500 yerlik yañı izolâtor qurmağa, 20 kameralı binanen bir müstemlekeni rekonstruktsiya etmege ve mabüslerni mecburiy işke celp etmek içün 85 dane istisal donatmasını satın almağa planlaştıra.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız