Mahkeme, eki topraq damartısını devlet mülkiyetine qaytardı. Olar Rusiye Federatsiyasınıñ vatandaşından tutıp alındı, çünki ecnebiyler ve vatandaşlığı olmağan şahıslarnıñ miras olaraq alğanları köy hocalığı içün topraqlar bir yıl içinde zapt etilmeli. İşğal etilgen Qırımnıñ Biloğırsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında yerleşken umumiy meydanlığı 3,6 gektardan ziyade olğan eki topraq damartısı aqqında söz yürsetile.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeheri prokurorlığı bu aqqında haber etti.
"Odesa şeheriniñ Prımorsk rayon mahkemesi 2024 senesi ilk küz ayında Qırım Muhtar Cumhuriyeti ve Sevastopol (Aqyar — terciman) şeheri prokurorlığı tarafından Rusiye Federatsiyası vatandaşınıñ topraq damartılarını devlet faydasına zapt etüv davasını qanaatlendirdi. Qadınnıñ olarnı miras aqqı aqqında şeadetnameler esasında alğanı belli oldı. Ukrayina topraq qanunnamesiniñ talaplarına köre, ecnebiyler ve vatandaşlığı olmağan şahıslar tarafından miras olaraq alınğan köy hocalığı içün topraq damartıları bir yıl devamında zapt etilir. Lâkin Rusiye Federatsiyasınıñ vatandaşı bu mecburiyetni yerine ketirmedi", — dep QMC prokurorlığı añlattı.
Şimdi mahkeme qararınıñ kerçek icrası temin etildi ve topraq damartıları devlet mülkiyetine alındı. Mütenasip malümat Devlet taşınmaz mülkke maddiy aqlar cedveline kirsetildi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız