Rusiye iş adamına, TsSKA (Moskva) futbol klubınıñ prezidenti olğan Yevhen Ğinerge Qırımdaki işğalli qurulışlarğa, hususan FSB ve RF Qara deñiz flotuna para berüvde şübhe bildirildi.
Baş prokurornıñ ofisi bunı bildirdi.
Taqiqatnıñ malümatına köre, Qırım vaqtınca işğal etilgen soñ iş adamınıñ kontroli altında bulunğan energetik teminlev şirketi resmen Hersonda ğayrıdan qayd etildi, amma aynı vaqıtta o, RF "devlet organları"nda qayd etilgen işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) filial açtı.
Bu "filial" sayesinde 2015-2016 seneleri Qırımda Rusiye Federatsiyasınıñ quvet strukturaları ve memuriyetlerine elektrik energiyasınıñ berilmesi boyunca eñ az 20 añlaşma tizildi. Bu FSB, Qara deñiz flotı, "Sevastopol ükümeti", mahkemeler, prokurorlıq, İçki işler nazirligi, gümrük ve bergi organlarıdır.
Añlaşmalarnıñ umumiy fiyatı 206 mln rusiye rublesinden (o vaqıtnıñ fiyatı 79 mln ğrıvnâ) ziyadedir. Tahqiqat, iş adamı, Ukrayina toprağında çalışmalarına yardım etip, işğalli strukturalarnı resurslarnen temin etkenini tüşüne.
Onıñ areketleri, anayasa tertibini zorbalıqnen deñiştirmek ve yıqmaq, devlet akimiyetini zapt etmek, em de Ukrayina toprağınıñ ve devlet sıñırlarını deñiştirmek maqsadınen yapılğan areketlerniñ maliye etilmesi olaraq belgilendi.
O, bu leyhanı amelge keçirmek içün daa dört insannı celp etti. Olardan biri endi mahküm etildi. Mahkemeden evelki tahqiqatnı UHHniñ İvano-Frankivsk vilâyetindeki idaresi keçire.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız