Baş istihbarat idaresiniñ askerleri Azaq deñizinde "kalibrler" taşıyıcısı olğan "buyan-m" leyhasınıñ raketa gemisini urdı.
''Baş istihbarat idaresi'' bu aqqında haber berdi.
"2025 senesi arman ayınıñ 28-nde Ukrayina Mudafaa nazirliginiñ Bİİniñ faal areketler departamentiniñ ve "Prımarı" mahsus bölüginiñ umumiy operatsiyası neticesinde Azaq deñizinde vaqtınca işğal etilgen Qırımdan uzaq degil, Rusiyeniñ 21631 "buyan-m" leyhasınıñ küçük raketa gemisi zarar kördi", — dep haberde qayd etildi.
Bİİniñ bildirgenine köre, "Prımarı" mahsus bölüginiñ arbiy hızmetçileri ava dronı vastasınen ücüm etip, geminiñ RLSını bozdılar, Ukrayina mudafaa nazirliginiñ Bİİniñ faal areketler departamentiniñ arbiy hadimleri ise "kalibr" gemisine ücüm ettiler.
"Temiryan körfezinde "kalibrler"ni potansiyel uçuruv zonasında bulunğan Rusiye raketa gemisi zarar kördi ve arbiy qaravul alanını terk etmege mecbur oldı", — dep Bİİ yazdı.
Hatırlatamız ki, nezaret kanalları arman ayınıñ 28-ne keçer gecesi işğal etilgen Qırımda patlavlar aqqında haber etti. "Qırım yeli" telegram kanalı ise Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında patlavlar aqqında haber etti.
Bundan ğayrı, Simferopol (Aqmescit) rayonınıñ Gvardiyske (SarabuzRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) qasabasında AMSnıñ işi aqqında da haber etildi. Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Saq ava limanı civarında patlavlar aqqında haberler keldi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız