Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ Trıprudne köyünde 25 gektarlıq yanğın oldı. İşğalciler yanğınnı söndürmege tırışalar.
İşğalli FVN Telegramda bunı bildirdi.
"Ateşni söndürmek sıcaq ve yelli ava sebebinden qıyın ola. Yanğın alanı temizlenmekte", — dep haberde qayd etildi.
İşğalli Qırım prokurorlığı, Trıprudne köyündeki yanğın vaziyeti "nezaret altına alındı", dep bildirdi.
"Qırım yeli" Telegram kanalınıñ abunecileri bildirdiler ki, yanğınnıñ sebebi Simferopol (Aqmescit) rayonınıñ Trıprudne köyünde orman yanında ateş açqan Rusiye arbiy hızmetçileriniñ areketleri ola bile.
Arman ayınıñ 19-nda işğal etilgen Simferopol (Aqmescit) civarında işğalciler 15 gektarlıq yanğınnı söndürmege tırışalar. Yanğın Klınivka ve Krasnolissâ köyleriniñ arasında oldı. Yanğınnı söndürmek içün aviatsiya celp etildi.
Hatırlatamız ki, işğal etilgen Qırımda arman ayınıñ 19-ndan 23-ne qadar fevqulâde yanğın telükesi sebebinden fevqulâde haberdarlıq ilân etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız