"Sarı şerit" areketiniñ bildirgenine köre, Qırımda işğalli tasil idaresi "Max" Rusiye messencerini bütün Qırım studentleri içün mecburiy yapmağa tırışa.
Areket Telegramda bunı bildirdi.
"Yerli memurlarnıñ istekleri planğa köre areket etip, Moskvağa sadıqlıqlarını köstermektir. Adet üzre, işten boşatuv dalğasından evel böyle ola. Amma ukrayin gençleri bundan zarar köreler. Yañı oquv yılı yaqınlaşqan sayın, işğalciler daa çoq şey uydurmağa tırışacaqlar: keçken yarım yıl içinde vaziyet daa beter ola bilecek kibi köründi", — dep haberde qayd etildi.
Hatırlatamız ki, "Sarı şerit" areketi bildirgenine köre, Ukrayinanıñ vaqtınca işğal etilgen topraqlarında, hususan Qırımda, ruslar Max Rusiye messencerini qullanmağa mecbur eteler. Tasil müessiseleri, banklar ve "devlet hızmetleri" tarafından qullanılğan bu programma, casuslıq vazifelerini eda ete.
"Sarı şerit"niñ malümatına köre, bütün malümat avtomatik olaraq, Rusiye mahsus hızmetleriniñ nezareti altında bulunğan ve Ukrayinada yasaq etilgen VK ("VKontakte") platformasınen bağlı serverlerge berile. Faalcilerniñ aytqanlarına köre, bu tek malümat toplama degil — bu "merkeziy raqamiy nezaret sistemasıdır".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız