İşğal etilgen Qırımda bir buçuq afta içinde Rusiye ordusını "itibardan tüşürgeni"nden qabaatlanğan Qırım sakinlerine qarşı aman-aman 40 yañı dava açıldı. Mahkemege berilgen davalarnıñ sayısı aman-aman 1500 oldı, ve çoqusı para cezalarınen yekünlendi.
Bunı Ukrayina Prezidentiniñ Qırım Muhtar Cumhuriyetindeki Temsilciligi bildirdi.
Oraq ayınıñ 17-ne qadar RF Silâlı quvetlerini "itibardan tüşürüv" maddesine istinaden 1472 memuriy dava bar. Bu, oraq ayınıñ 7-nde belgilengeninden 37 davağa ziyade. Olardan 1340-ında mahkeme qararları çıqarıldı — çoqusı para cezası şeklinde. Daa 55 dava baqıla.
"Repressiyağa oğrağanlar arasında cınıs dağılımı aman-aman musaviy: 683 qadın (51%) ve 656 erkek (49%). Eñ kergin vaziyet Ermeni Bazarda: tek 2025 senesiniñ ilk altı ayı devamında anda 164 dava açıldı, yani bu müddet devamında Qırımda açılğan davalarnıñ yarısı", — dep temsilcilikniñ haberinde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız