İşğal etilgen Qırımnıñ Simferopol (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı rayonında 21 gektar meydanlıqta yanğın söndürile. Prudove köyünde orman çöplügi ve quru otlar yana.
Bu aqta RİA "Novosti Krım" haber ete.
"Prudove köyünde qasabadan 2 kilometr uzaqlıqta orman çöplügi ve quru otlar yana, dep haber ettiler Rusiyeniñ FVN-de. Kolçuginskiy suv havuzından endi 12 tonna suv çıqarıldı", – dep, qayd etile haberde.
Vekalet aydınlata ki, söndürüv ceryanı yel ve sıcaqnen mürekkepleşe.
Hatırlatamız, kiraz aynıñ 12-de Qırım territoriyasında furtuna aqqında haberdarlıq, em de avanıñ yüksek arareti sebebinden yanğın havflılığı rejimi çalışa.
Hatırlatamız ki, yarımadanıñ işğalci akimiyeti, orman yerlerini ziyaret etmek yasaqnı oraq aynıñ 15-ne qadar uzattı. Yasaq, işğalci Fevqulâde vaziyetler nazirligi yazğanı kibi, yanğınlar havfınen bağlıdır. Qırımnıñ ormanlarından yazda kezmege ruhset etilgen tek belli bir sayıda yerler bar.
Aynı vaqıtta, Milliy tirenüv merkeziniñ (MTM) ekspertleriniñ aytqanlarına köre, anda yerleşken arbiy obyektlerni qorçalamaq içün ormanlarğa kiriş qapalı.
Telegram, WhatsApp, Facebook ve YouTube-ta Suspilne Qırım haberlerine abune oluñız