İşğal etilgen Qırımda eki yerli sakin tutuldı ve Rusiye Ceza qanunnsmesiniñ "devlet hainligi" maddesine binaen dava açtılar. Olarnı tevqif ettiler.
Rusiye FSBsi bunı bildirdi, dep RİA "Novosti Krım" teşviqat haber agentligi haber berdi.
"Tutulğanlardan itirafname alındı. Tevqif etüv kibi qorçalayıcı tedbir alındı", — dep işğalli müessise qayd etti.
"Tahqiqat"nıñ malümatına köre, 1977 ve 1993 senesi doğğan şübheliler, "olarnıñ yerleşüv koordinatları ve obyektlerde bulunğan işçilerniñ kategoriyalarını qayd etip" Qırımdaki kritik astyapı ve arbiy tehnika obyektleriniñ fotoresimleri ve videolarını Ukrayina havfsızlıq hızmetine berdiler.
FSB, adamlarnı Telegram vastasınen "çıqarğanları"nı da ilâve etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız