İşğal etilgen Qırımda Jıtomır vilâyetiniñ sakini "devlet hainligiRF CQniñ 275-nci maddesi" içün 20 yılğa ve 50 biñ rublelik (15 biñ ğrıvnâ) para cezası berildi. İşğalciler, Simferopoldaki (Aqmescitteki) "MVSTış işler nazirligi" binası yanındaki vaziyetni balkon kamerası vastasınen yayınlağanını ve soñra bu malümatnı Ukrayina havfsızlıq hızmetine bergenini iddia eteler.
İşğal etilgen Qırım Yuqarı mahkemesiniñ matbuat hızmeti Ukrayinada yasaq etilgen "VKontakte" Rusiye içtimaiy ağında bunı bildirdi.
Cezasınıñ ilk üç yılını Sevastopol sakini apishanede keçirecek, soñra onı sert rejimli müstemlekege avuştıracaqlar, dep qoştılar.
Aynı zamanda Qırımdaki işğalli FSB idaresi, adamnıñ Jıtomırr vilâyetinde doğğanını qayd etti, dep Sevastopolniñ "ForPost" neşiri bildirdi. O, 2022 senesiniñ küzünde tutulğanını hatırlattı.
"Adam, mütehassıslardan, yanındaki mesken evniñ balkonına, uquq qorçalayıcı organlarından biriniñ binasına doğrultılğan kameralarnı yerleştirmek vazifesini aldı. Bundan soñ o, UHHe bölüklerniñ yerleşüv yerlerini, hadimlerniñ areketlerini ve toplaşuvlarını, em de olarnıñ hızmet ve şahsiy naqliyat vastalarını qayd etken kamerağa irişimni berdi", — dep aytıla haberde.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız