"Rubij" halq gönüllileri"niñ dört iştirakçisi 2014 senesi Qırım işğali vaqtında Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Ukrayina Arbiy-deñiz quvetleri ştabınıñ zapt etilmesinde iştirak etkeninden şübheli sayıla. Olarnı devlet hainliginde, qanunsız silâlı birleşmede iştirak etüvinde ve Ukrayina topraq bütünligine qast etüvde qabaatlaylar.
Qırım Muhtar Cumhuriyeti ve Sevastopol (Aqyar) şeeri prokurorlığı bunı bildirdi.
Tahqiqatnıñ malümatına köre, şübheliler Qırım işğali vaqtında qanunsız silâlı birleşmege qoşuldı. Olar arbiy obyektlerni blok etip, ücüm ettiler, blok noqtalarında nevbette turdılar, vatandaşlarnıñ vesiqalarını teşkerdiler, naqliyatnı tinttiler, Qırımnıñ Rusiye Federatsiyasına qoşulması aqqında qanunsız "referendum" keçirilgen vaqıt saylav bölüklerini qorçaladılar.
Olar Ukrayina Arbiy deñiz quvetleriniñ komandanlıq ştabınıñ küçnen zapt etilmesinde iştirak ettiler ve "Hmelnıtskıy" korvetiniñ ücüminde RF Silâlı quvetleriniñ arbiy hızmetçilerine yardım ettiler.
İşğalli quvetlernen işbirlik içün şübheliler Rusiye Federatsiyasınıñ mukâfatlarınen taqdirlendi — hususan, "Qırımnıñ qaytarılması içün" ve "Sevastopolnıñ 3-nci mudafaası içün".
Uquq qorçalayıcılar olarnıñ areketlerini devlet hainligiUCQniñ 111-nci maddesiniñ 1-nci qısmı, qanunsız silâlı birleşüvlerde iştirak etüvUCQniñ 260-ncı maddesiniñ41-nci qısmı ve Ukrayina topraq bütünligine qast etüvUCQniñ 110-ncı maddesiniñ 2-nci qısmı olaraq tanıylar. Olar 15 yılğa qadar apis cezasını ala bilirler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız