İşğal etilgen Qırımda FSB hadimleri Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Bilogirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ eki qadın sakinini tuttılar. Olarğa qarşı "casuslıq şeklinde devlet hainligiRF Cinaiy qanunnamesiniñ 275-nci maddesi" boyunca cinaiy davalar açıldı. Quvetçiler, qadınlar Ukrayina mahsus hızmetlerine Rusiye arbiy obyektleri aqqında malümat berdi, dep iddia ettiler. Olarnı apiske aldılar.
FSB matbuat hızmeti bunı bildirdi, dep bozarğannıñ 4-nde Rusiyeniñ TASS devlet haber agentligi haber berdi.
Rusiye mahsus hızmetleriniñ malümatına köre, Bilogirsk rayonınıñ 37 yaşındaki sakini Ukrayina Mudafaa nazirliginiñ Baş istihbarat idaresinen bağlı ukrayin Telegram kanalınıñ idarecisine muracaat etip, arbiy malümat toplamağa yardım etmege teklif etti.
FSB qoştı ki, qadın USQniñ ücümleri içün qullanıla bilecek arbiy obyektlerniñ adresleri ve koordinatlarını berdi.
Aynı vaqıtta, 38 yaşındaki Sevastopol sakini, FSB malümatına köre, Telegram vastasınen UHHnen işbirlikke celp etildi. Müessisede, o, Rusiye Qara deñiz flotunıñ malümatını alıp barğanını iddia eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız