Ukraina Telükesizlik Hızmetiniñ (UTH) dronları Qırımda Perevalnıy şeeri yanında Rusiye Federatsiyasınıñ 126-ncı yalı boyu mudafaa brigadasınıñ cenk silâlarınıñ anbarlarını urdılar. Anda arbiy tehnika, silâ ve yaqıcı-yağlav maddeleri saqlanması içün qutular bar edi.
Bu aqta "Suspilne Qırım"-ğa UTH-deki menbalar haber ettiler.
Olar dron ücümi, rus işğalcileriniñ anbarları territoriyasında küçlü patlavğa ve yanğınlarğa sebep olğanını qayd ettiler. Yerli sakinler arbiy bölükniñ özüniñ territoriyası üstünde tütün çıqqanını da bildirdiler.
Bu sebepten ruslar atta Perevalne köyüniñ yanından keçken Simferopol (Aqmescit) — Aluşta yol yürüşini qapattılar. Bundan ğayrı, arbiy anbarında bulunğan elâk rus askerleri aqqında malümat bar.
"UTH, ruslar tarafından zapt etilgen Qırım territoriyasında qanuniy arbiy maqsatlar içün semereli çalışmağa devam ete. Duşmannıñ arbiy imkânlarınıñ zayıflatması üzerinde iş devam etecek", - dep, bildirdi UTH-deki malümat menbası.
Читати ще
Telegram, WhatsApp ve Facebookta Suspilne Qırım haberlerine abune oluñız