Ukrayinada "Qırım öz-özüni mudafaa etüvi" qanunsız silâlı birleşmesiniñ "3-ünci bölügi"niñ komandanına şübhe bildirdiler. 2014 senesi kiçik qış ayında o, "Şimaliy Kavkazda diger yerli çatışmalarnıñ iştirakçileri olğan sabıq enternatsionalist askerler arasında cemaat tertibini qorçalağan birleşken polk"ni idare etti.
Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorolığınıñ Telegram kanalında bu aqqında haber etildi.
Qayd etilgenine köre, şübhelengen adam 2014 senesi kiçik aynıñ 26-nda bölükniñ diger azalarınen beraber yanlarında ateş silâsınen Qırım Yuqarı Şurasınıñ binasına kirdi.
O, Yuqarı Şura spikerini "yarımadanıñ mustaqilligi" aqqında referendumnı keçirmek içün nevbetten tış toplaşuvnı keçirmege mecbur etmek içün yerlerni almağa emir etti.
"Bundan ğayrı, şübhelengen adam Simferopolda qanunsız "referendum"nıñ keçirilmesini temin ete edi. Daa soñra, 2014 senesinden başlap, "Yedinaya Rossiya" siyasiy firqasından Qırım Cumhuriyetiniñ Devlet Şurasınıñ I ve II çağıruv mebusı edi, 2024 senesi şlk küz ayında ise üçünci kere mebus mandatını aldı. İşğalciler ögündeki hızmetleri içün şübhelengen adam "Qırımnıñ qorçalavı içün" ve "Qırımnıñ qaytarılması içün" medallerinen taqdirlendi", — dep aytıla haberde.
Hatırlatamız ki, Ukrayinada Rusiye ordusı tarafından işğal etilgen Qırımnıñ Kirovske meskeniniñ sakinine 15 yıl apis cezası berildi. Adam 2023 senesi işğalciler tarafına keçti ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) arbiy komissarlığında Rusiye Mudafaa nazirliginen añlaşma tizdiler.
Telegram, WhatsApp, Facebook, TikTok ve YouTubede Suspilne Qırım haberlerine abun oluñız