Ukrayina prezidentiniñ Qırımdaki daimiy temsilcisi Olğa Kurışko "Qırımnıñ Birinci aftası" tedbirleri çerçivesinde Brüsselde Avropa parlamentinde çıqışta bulundı. O, vaqtınca işğal etilgen yarımadadaki vaziyet ve insan aqlarınıñ bozuluvı aqqında söz yürsetti.
Prezidentniñ Qırım MC temsilciliginiñ Telegram kanalında bu aqqında haber etildi.
Qayd etilgenine köre, Olğa Kurışko çıqışta bulunğanda qayd etti ki, 2014 senesi Qırımnıñ vaqtınca işğali Ukrayinağa qarşı Rusiye tecavuzınıñ başlanğıçı edi, çünki yarımadanın işğali tek devletniñ topraq bütünligi içün bir çağıruv degil, bütün Avropanı raatsızlağan teren gumanitar ve telüke buhranı oldı.
O, işğal ve Qırımnıñ arbiyleştirilüvi neticesinde peyda olğan ekologik telükelerge diqqat çekti: şimdi Rusiye yarımadanıñ ekosistemasını muntazam sürette yoq ete — topraq ve deñiz suvlarınıñ kirlenüvinden başlap, faydalı qazımtılarnıñ kütleviy qanunsız çıqarılması ve ormanlarnıñ yoq etilmesine qadar.
"Qırım içün küreş — tek topraq içün küreş degil. Bu insan aqlarınıñ tiklenüvi, Ukrayina tamır halqlarınıñ qorçalavı, Qara deñiz bölgesinde ekologiya ve telükesizlikniñ saqlanuvı aqqında", — dep Olğa Kurışko qayd etti.
Hatırlatamız ki, Kurışko, AQŞ yarımadanı Rusiyege ait dep tanıy bilir, degen KHVnıñ haberine cevap berdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız